بسم الله
اول شي مبروك الفوز لكل الفرق
وحظ اوفر للفرق الخاسره الا اذا كانت ستواجه النصر فنتمنى ان لايكون لديها حظ خير شر (:
ببدا بالمباريات الثانيه وارجع لمباراة النصر والاهلي
الوحده والحزم
الوحده فريق جماعي وكذلك الحزم يتقاربون بالمستوى ولكن لم يستفد الحزم من لعبه على ارضه وبين جمهوره
فكان الوحده الاجدر والاحق بالفوز
مبروك الفوز ياوحداويين وعن قريب ان شاء الله نقول لكم هارد لكم ^_*
الهلال وابهـــا
اظن ابها والرائد تورطوا يوم قابلوا انديه كبيره ولكن يحمدون ربهم جت على كذا فالوطني السنه اللي فاتت اكل خمسه
وان جينــا للهلال فهو افضل فريق استعد للدوري ولو ان المشاكل الاداريه قد عصفت به بعض الشيء ولكن قد تكون رئيس النادي هو من يعيد التوازن للفريق
والف مبروك للهلال
اما النصر والاهلي
فالشوط الاول ماحضرته لأني كنت مشغول عشان كذا يقولون كان شوط الاهلي كان فيه اخطر وكان الاقرب للفوز
طبعــاً بين الشوطين قلت لمحمد اخوي محمد ترى احسن مافي رادان تغييراته ورحت قضيت شغله بسيطه
وشوي نسمع يقول تغيير
عاد محمد يقول ماجد عبدالله يقول برناوي هو نقطة ضعف النصر
فأعطيت اخوي غمزه زي اللي اقوله ماقلت لك ان المدرب تغيراته صح ؟
عاد بدا الشوط الثاني وهجمه من هنا وهجمه هناك
وجا الفاول
وللأسف علق جهاز التشفير تعليقه حقت 3 ثواني الا واشوف الصوره ترجع والكوره جوا الشباك
وهاتك فرحه بين اربع اهلاووين خخخخخخخخخخخخخخخ
ياهي فرحه ^_^
وبعدهـــا تتوالا الهجمات وتجي لسعد الصراحه سعد قهرني انه ماشات الكوره على طول بس دامه جابها بلنتي انا اشهد انه كفو
ويالليل الفرحه والوناسه
بس اسوا مافي المباراه يوم اخطا البحري ورجع كوره لمالك وربي حسيت ان كل شي انتهى
بس ربك تفضل علينا ونصرنا
ومانقول الا الحمدلله والشكر
انا عارف ادوشتكم وازعجتكم
لكن مبروك الفوز للنصراوويين وهارد لكم يا الاهلاوييه والله يعينكم المباراه الجايه ضد الاهلي
لكن لاتلوموني من باب السواليف &_&
اخوكم
سهرتني
نسيت اقول يعطيك الف الف الف عافيه اخوي فيصل وان شاء الله دايم نشوفك تنزل اخبار حلوه عن النصر ^_^