الاخت الملكه
الحمد لله انك بنعمه يفتقدها الكثير .... كما قلتي تملكين قدر كبير من التسامح وإلتماس الأعذار ..
اولا :
اذا كنتي تملكين قدر كبير من التسامح وإلتماس الأعذار هذا يدل على ان قلبك طيب وشي طبيعي ماتحبين احد يزعل منك لكن اذا احد استغفلك ماتتحملين وهذا شي طبيعي لان محد يرضى يكون مستغفل وخاصه انه الطيب هو اللي الناس تستغفله وتفكر انه غبي او انسان بسهوله ينخدع
اختي الملكه انا قرأت مشكلتك اكثر من مره واحس انك تقدرين تتغلبين على هالمشكله
ومافي داعي تعطين الموضوع اكبر من حجمه
ثانيا :
انتي قلتي اذا استغفلك احد تعرفينه فليتحمل ... وانك على استعداد لخساره العلاقه ...
تعتقدين لو خسرتي العلاقه بسبب اندفاعك القوي ودفاعك عن نفسك على اساس انك مستغفله هذا هو الحل ؟؟؟
انا انصحك من واقع جربته وحقيقه مريت فيها لان رده فعلك تجاه الاستغفال نفس رده فعلي
ونصيحتي لك هي انك تبينين للشخص اللي يستغفلك انه مكشوف وانك اكبر من انه يستغفلك من غير قطع علاقات او خساره اصدقاء او اندفاع
لانك بالاخر قلبك طيب وماعتقد انك تتحملين انك تخسرين احد خاصه بعد ماتطلعين غضبك وتهدى العاصفه وتحسين انك خسرتي علاقه
باختصار هدي اعصابك اذا حسيتي انك مستغفله وحاولي تثبتين العكس وصدقيني بالكلمه الطيبه نملك الناس
واتمنى اني اكون افدتك بشي