1 / لماذا يتباهى الشاب بتعداد علاقاتة العاطفية ؟
انا اتوقع ان الي يتباها انسان فاشل بالحب انسان مايقدر يتحكم بعلاقه عاطفيه وحده
وانه كل ماحاول يكون علاقه يفشل فعشان يغطي فشله يتباها بان له علاقات عاطفيه
وان جينا للعلاقات نحصلها مع بنات الشرف بطريق وهم بطريق
وهذا اكبر دليل على فشله
واحب اقوله لو ان البنات الي يسوي علاقه معهم صدق يحبهم ماهو لاجل شضهوه ماكان
يذكرهم عند ربعه انا معاي علاقه مع فلانه ومعاي علاقه مع فلانه
بالاصح انه انسان يمشي ورى شهوته وفساده يعني انسان بدون اخلاق
2 / هل هي محاولة لاثبات الذات ؟
اكيد دام انه فاشل بالحب بيحاول يثبت للي حوله انه عكس كذا وانه ناجح بالحب ومايدري انه بيثبت على نفسه بالفشل
3 / أم أنها عادة تبدأ في سن المراهقة وتبقي ملتصقة بالشاب الى ما بعد المراهقة ؟
لو انها علاقه وحده نقول انه يحب وبيضحي وكلنا لازم نحب
لكن اذا كانت اكثر من علاقه يعني ضياع البنات بالكذب وضياع شرف البنت
اكيد انها اخلاق واطيه منحطه تعلمها من اهل بيته وبدا يطبقها بمرحلة المراهق
ودام طبقها بمرحلة المراهقه بطبقها العمر كله
4 / هل المجتمع هو المسئول عن هذه المشكلة ؟
المجتمع كله لا لكن المجتمع المحيط به من اصدقاء واهل
5 / هل التلاعب في مشاعر بنات الناس أصبح منطقياً ؟
نعم وللاسف
الاحظ نها صارت شي عادي
ومافي شي اسمه
حب - اخلاص - وفاء - عشق - غرام - صدق
اتمنى ترجع الايام للوراء لايام عنتره وقيس
صراحه اكثر مايزعجني التلاعب بالمشاعر
لان البنت بطبيعتها اذا اكتشفت انه يتلاعب بمشاعرها رح تحاول تكون اكثر من علاقه
وبعدها يطيح الراس بالفاس
وماتفيد ياندم ويا حسافه
يعطيكي العافيه قطريه كووول
مع خالص ودي
ندور