بسم الله الرحمن الرحيم
السلام عليكم .. كيفكم ؟؟ ان شاء الله تمام
هذي اول قصيدة أو موضوع لي بمنتدى الود بصفتي ضيف جديد عليكم وإن شاء الله أكون خفيف عليكم ...
قبل أكتب القصيدة حبيت أوضح لكم شي بسيط من موضوعها
أنا تعرفت على بنت اسمها (( نجــــود )) حبيتها من كل قلبي .. تقدرون تقولون اني ماذقت طعم الحب الا بعد ماعرفتها !!!.. لكن القدر فرق بيننا طبعا كانت ساكنة بمدينة رأس تنورة بمنطقة الشرقية بعدها سافرت عن الشرقية لديارها .. وانقطعت اخبارها عني وأنا لهالحين ولهالساعة وربي مو قااااادر بيوم أنساها لو للحظة وحدة ... كان الفراق غصب عنا الاثنين (( ومررررر بالحيــــــــــل )) لكن قطعت وعد لها اني ماانساها وأعلن حبها للبشر جميع وراح انتظرها لآآآآآآآآآآآخر يوم بحياتي وأنشر قصايدي فيها ... صدقوني هذي القصيدة وغيرها اللي كتبت فيها والله ثم والله بدون شعوور انا كتبتها اعذروني عالقصور الغير متعمد .. والله يشهد علي ... ((( بس راح الظاهر أكرهكم لنجود )))
بديت بذكر اللي المخاليــــــق لبيته تزوره
بإحرامها تسعى وتطوف لحجـ(ن) وعمــــــــــــرة
عليه .. وله.. وإليه أشكي الزمان وجــوره
ومصيبتن وســـــــــط الحشا والله انها كما الجمرة
قبل فصل "الربيـــــع" يحين وتنبت زهوره
وقبل تجني البشــــــــــر تعبها فاللي زرعت بذره
وقبل طلوع "الفجر" يزيل ظلمة ليلنا نوره
والهوى يحمل ريحةالـــــــورد مع نسماته العطرة
بيني وبين اللي خذا قلبي بالصوت والصورة
فجاة حل الفراق .. وصارت حياتي كلها حسسرة
من دون علم ولاخبر..ولا( احم ولا دستوره ) !!
قلط على مركاي وشرب فناجيلي بإيده اليسرى؟!!
وأنا ..على قولة ابن فطيس محمد المشهورة
"مالي الاالصبر"..دامني جيته..مايحق لي أشره
كان به(سنين من الضياع)قضت وصارت أسطورة
بين "يحيى ولميس" أيامها كانت كلها قشـــرى
فأنـــا عمـــــــــري قضى والجـاي ينتظر دورة !!
يعرف وشهو مصـــــــــــيره ويعرف حظه وقدره !!
واللـه لو زماني قسى بوجهي وخرج عن طوره
يبقى "قلبي" معه "gافي" حتى يدفن بقـــبره
حبه "بقلبي" يا( بدر ) .. صعبـ(ن) أوصف شعوره
يكفيك إلا مني ذكرت داره .. تغصني العـــــبرة
"(ماأقول إلا متى على الله نرجع "لرأس تنورة"
الديرة اللي توسع بال راعيها وينشرح صدره)"