[نايف الشريف]

اقتباس المشاركة الأصلية كتبت بواسطة *+* مـهــآآآآجــرة *+* )) نآآآآيف الشـــريف ((

ياوردة ٍ بالشوك تنزف . ليه مسيتي جروح=ياكيف مسيتي جروح البنت ومسيتي جروحي
ماعرفتي وش جزاه اللي ذبح من ناس روح =مادريتي بالكلام إشلون ضحيتي بروحي
والله إني مابكيت إلا على الوجه الصبوح=الصاحب اللي لالقاني ريحة اطيابه تفوحي
من عقب فرقا الزين شوف إشلون انا قلبي ينوح=مادام ناحت له حمامه غصب انا قلبي ينوحي
اذكر زمان ٍ راح كنت ايامها رجل ٍ طموح=كم بنت قد حبيت وكم بنت ٍ على الطرقه تروحي
كم عشت خيـّـال الخيال وشدت للقصه صروح=أبني خيال الحب محد ٍ قد هدم مره صروحي
واليوم جيتي بالكلام اللي تبيـّـنه الشروح=الشرح لازاد الكلام يزيد واسراره تبوحي
ليت مازدتي كلام ولاتزيدين المدوح =وليت بالقول اقتنعتي تكفي القصه شروحي
وإن كان لك قصد ٍ يزيد الجرح خليها مزوح=بالمزح نبديه الكلام ونقضي الليله مزوحي
يابنت انا لي قلب حتى لانجرح طبعه سموح=أمزح واخلي الهم خلفي دامها الدنيا سموحي

اختي الكريمة مهآآآآجرة
السلام عليكم ورحمة الله وبركاته
زيارتك اسعدتني كثيراً
وإستشعرت بأنها قلدتني وسام افتخر به

واما القصيدة اعلاه ولو اني استشعر انني بها عسفت القاف
ولكن التمس لنفسي العذر حيث انني كتبتها على الكيبورد حين لفتت نظري تلك الوردة
حين رأيتها تنزف تخيلت ماورد بالابيات
اكرر شكري وتقديري لكي
واشكركي على التثبيت