بسم الله الرحمن الرحيم
اسعد الله اوقاتكم بكل خير
هذي ابيات غزليه حبيت اكتبها لكم
سفينة الحب تجري وصط بحر طميم =وهرجة هل العذل ماتكسر مجاديفها
يالايمي في الهوا عز الله انك غشيم=ماعشت جو الولايف مع مواليفها
لو انك جربت حب اللي هواها نعيم=اللي تونس خفوقي من سواليفها
بنت هواها بقلبي ماتزحزح مقيم=طبعتها في الفؤاد وتم تغليفها
استغفر الله ماهي من حساب الحريم=تفرق عن الغيد في جملة تواصيفها
ليا رضت قلت يالبا هبوب النسيم=تنعش فؤاد الهواوي في هفاهيفها
واليا زعلت شفت معنى العفو عند الحليم=تسمح وتصفح ولاتكثر تحاسيفها
احبها حب مايوصف وحب عضيم=ومعها رقيت المحبه في مشاريفها
واقسم بمن يحي عضام العباد الرميم=ان افعل اللي تبي وامشي على كيفها
وسلامتكم