يا ربعنا هاتو جـواب السؤالـي
الوضع يبغا له على الفور تصحيح
في اللي يسمون العـذارا سحالـي
واللي يسمـون النشامـا تماسيـح
ويش الطريقه يا بنات الرجالـي
وويش الطريقه يا الرجال المفاليح
الخلق خلق الله ولا بـه جدالـي
والى فضيتـو عبروهـا بتسبيـح
يا الي تسب امك على كل حالـي
واختك وبنتك ليه تلعب بك الريح
حتى نسيت الي غذتـك بدلالـي
وجرحتها مع جملة القوم تجريـح
ويا الي تولجتي كـرام الرجالـي
سترك إلى ثارت عليك النوابيـح
سترك إلى هبت هبوب الشمالـي
وامست دموعك فوق خدك سلافيح
شوفو لكم بـدال اهلكـم مجالـي
انكان تبغون السعـد والمرابيـح