مره كنت جالسه مع أخوي الصغير الموضح بالصورة أعلاه
وماكنت رايقة له أبد
لأني جالسه بالبيت لحالي معاه
أنا جالسه قدام التلفزيون والأخ يمشي بمشايته بالصاله راح جاي قدام وجهي
بعدين وقف عندي وحاول يمسك الريموت
وأنا أبعده عنه وهو يرفع يده يحاول يمسكه ويوم فقد الأمل
قام يبكي ! 
وأنا أنوااع الصداع في راسي
قمت شلت البطاريات من الريموت وعطيته يلعب فيه
بعدين جلست عالاب توب
جاني يركض يبي يجلس بحضني عشان يلعب عليه
أستسلمت ,, وجلسته بحضني وقام يضرب اللاب توب بقووه ,,
لما قشع حرف الألف من الكيبورد !
أنا هناا وصلت معي للأخير ,,
قمت ركبت الحرف ورميته فسريري ,, وعطيته رضاعته يمكن يهدى وينام
لكن لا حياة لمن تنادي
قام يتقلب بالسرير ,, الأخ ناوي يطيح عالأرض
من شدة الغيظ .. قمت أبكي 
أتصلت على أهلي يجون بسرعه لأرتكب فيه جريمه
وأول ما جو أهلي قام الأخ يضحك وشرب الحليب ونام !
كنت بقتله ذيك الساعه !
طلعت السالفه كلها عناد فيني!