احم
احم
بسم الله الرحمن الرحيم .
أما بعد
بصراحه انا اول شي باقووولكم قصه طلعتنا العام لحفر الباطن والنعيريه وبعدها باقوووول لكم شرووط التسجيل .. :D
العام في عيد الاضحى اللي راح اتفقت انا ومعي ثمانيه رجاجيل على طلعه للبر.
المهم اتفقنا على رحله بريه وتمشيه.
واول شي باقول كل واحد منهم ولقبه اللي نناديه به اول واحد أمير الطلعه واسمه مبارك ويلقب (بالايراني) عشان الرجال احمر اعطر .
والثاني ناصر ويلقب (حبابه من كثر بربرته).
والثالث خالد ويلقب (البنشري).
والرابع جفين (ابوووووك يالاسم ونلقبه ابو ضرس)عشان عليه أكبر ضرس في العالم .
والخامس ابو شافي (ونلقبه بالخيل )عشان وجهه طويل كنه سيب.
والسادس عثمان (هو اطول واحد فينا ونلقبه ابو كراعين).
والسابع نايف (نلقبه النصاااب) عشانه يقوول مره ان خاله راح لقطر وفي رجله سكين ذبح واحد هناك ورجع للسعوديه (لاااااقينااااا ينصب علينا).
والثامن انا (ويلقبوني مانيب قايل لكم ) :p
المهم اتفقنى على القطه من خمس ميه ريال وكانت معنا اربع مواتر مشينا من الديره قبل صلاة الفجر وكان كل موتر فيه جهاز كنود مراسلات هوائيه وحنا بالطريق كنا نترااااااسل وكانت موجتنا اسمها بدووو أف أم وانواع الهواش في الطريق والحش ..
المهم وصلنا حفر الباطن مع صلاة العصر وكل واحد منا مسوي شقردي ولا اذن المغرب الا كل شي قد جهازناااااااااه الخيمه على الفرش على العزبه وكل واحد قام يسوي اللي اتفقنا عليه من البدااااايه المهم اللي عند العشااااء واللي عند الضوء واللي عند القهوه والشاهي واللي يجهز الفرش واللي يرتب الخيمه المهم اذن العشاااااء وكلنا متقابلين كل واحد فاتح فمه ماعاد ورااااااناااااا شي ندور شي اسمه فراااااااش وبطاااانيه .. ولا اكثر عليكم ترى انا مااحب التفلسف .
يوم جاء اليوم الثاني صحينا مع صلاة العصر ( امحق شقرديه راح اليوم كله نوم). المهم الجوع ذابحناااا وعلينا برد ولما دخل الليل بدت الونااااااااسه والطرب والجربعه والضحك وجلسنا اسبوع كنه يوم واحد
وبعدها رجعنا للديره وكانت احلى طلعه لانهاااا في ربوووووع بلادي (مسوي وطني) :D
بس الحين باابين لكم الشروط .
أولا .. يكون معك ثوب ماتشوف النور من ورااااااه عشان هناك برد جدا.
ثانيا .. يجب احضار كوت وفروله او بشت ان وجد.
ثالثا ..يجب احضار عصى (عجرى)عشان هناك ثعاله (حصني).
رابعا .. يجب احضار جوتي (كندره) ضد المسامير وقرصات العقارب .
خامسا .. يجب احضار كشااف (بجلي).
سادسا .. يجب احضار فوطه خاصه.
سابعا .. يجب احضار رشاش او فرد او شوزن او ام صكمه إن وجدت.
ثامنا .. يجب احضار شيول ومطرقه واربع مسامير احتياااط.
تاسعا .. يجب احضار فراش وبطانيتين .
عاشرا .. يجب ان تعلم أهلك لان مدير الرحله غير مسؤول عنكم.
حادي عشرا .. يجب احضار مستلزمات (مثل مسجل . جوال .مشط.طاقيه .غتره.شرابات).
وبس.
ونرجو من الاخوه الكرااااام الذين سوف يصملون على الرحله ان تكون وصيتهم مكتوبه وخالصه ...
هاذي الشروط والحين الممنوعاااااااات ..
1. ممنوع استعارة اي شي من اي واحد في الرحله لان الرحله تحث على الاعتماد على النفس مثل انك تجي تقووول تكفى يا فلان عطني فروتك او فوطتك او عطني مشطك بااكد راسي لاااااا ممنووووع منعااااا باااتنا.
2. الخوف تحط عند باب اهلك لما تركب مع طيوووووور شلوى .
3. المهايط ( المبالغه في الكلام ).
4. وبعد انك توصي واحد فلان افرش فراشي انا عجرااان مافيه (ترى بالشوزن).
وارجو من الجميع اللتزاااام بالمواعيد ..
<<<<<<<<<<<< عليه خطماااااااات دااجه;)
وعسى واتمنى ان كل اللي بيالمنتدى يشااااركووووووون واللي عنده شي او راي حلو او وجهت نظر يتفضل ويقووووووول ....
وهناااااك بشرى ساره للجميع بس خلوهاااااااا مفاجاءه.
أخوكم أمير الحنااااااان :)
<<<<<<<< يقول لااحد يشره عليه
<<<<<<<<<<<< يحك أذنه بالمفتاح وحاط يده على خده ينتظر الردود.