صبـــآحكم /مسآئكم
شوـوـوق وغــــلا
اليوم جبت لكم قصيدهـ أعجبتني .. فَـ كلّي أمل أن تحوز على رضـى الجميع
سوّ اللي براسك ولاتذكر أسباب
لاصرت بايعني توكل على الله
مابيني وبينك مشاريه وعتاب
شف دربك الي جيت منه تدله
ماراح تغلبني لو الحب غلاب
من حضرتك عشان قلبي تذله
في ذمتي لجعلك عبره للأحباب
لين الخلي يتوب عن جرح حله
زلاتك الي مانفع فيها حساب
لاجيت اعددهن ثمانين زله
احرجتني بين القرايب والأحباب
كن الجفا سيف بوجهي تسله
ماكنت اقصر فيك من كثر الإعجاب
يومك تساوي عندي الكون كله
كنت القريب وكلهم كانوا أغراب
حتى القمر لاغاب شفتك محله
خلاص لاترجع ترا خاطري طاب
ابي طرا اللي كنت عايش بظله
رح واعتبرني واحد اذنب وتاب
ماني بثوب تلبسه ثم تمله
مايجتمع بالحب صادق وكذاب
رزقي على الله وانت رزقك على الله
الى حينه لكم منّى تحيّه ملؤهـا الحبّ مع قطراتٌ من وفائي وتقديري
للجميع