طبعاً البيت قريب من المدرسة بس من حرص
ابوي يوصلني .......
فتحت الباب ونزلت ورقيت الدرج إلا باب البيت مفتوح
قلت أكيد عندنا احد .. سبقت ابوي ودخلت
إلا أشوف نعال [وانتم كرامة ] عند باب المجلس
قربت ابسمع من عندنا إلا صوت أمي تسولف شوي
إلا اسمع صوت اختي وبنتها .. ناديت يمه فيه احد
لا يا ساره بس أختك وزوجها تعالي سلمي ...
( طبعاً زوج أختي بحسبة أخوي الكبير واللي ابيه يجيبه لي )
دخلت عليهم : صباح الخير ....
ردو : هلا هاه بشري
أنا / نجحت وبامتياز وعطوني هدية بس ما أخذتها
قعدوا يضحكون ..
قال زوج أختي : بصراحة قويه .. معقولة ساره
تجيها هديه وتخليها ..
أنا / ايه خليتها لا تتريقون علي وش عاد هالهديه
يا صحون يا منظر ...!!
يعني ماراح أستفيد منها وبعدين ليه ما تباركولي
وإلا بس فالحين بالتريقه ......
أمي / الف مبروك بس هاه امتياز
أنا / ماني قايله شيء هذي شهادتي واقروها
أخذتها أختي وقرتها ... إلا والله امتياز ومن الأوائل
قال زوجها أجل ابشري بالنجاحه ..
دخل ابوي وسلم عليهم ...
وقال شفتو ساره اثبتتلي إنها بنت مجتهدة
قلت أنا / ما ابي من الرخيص ولا أبي احد يمدحني
أبي جوال وبس .......
زوج أختي / بس جوال انا اللي يشتريلك جوال اليوم
قال ابوي / أنا واعدها ابجيبه لها ...
زوج أختي أجل خلاص انا ابجيبلك عطر
قلت : أوكي يسلمو مقدماً
أنا الحين تعبانه ابروح أنام لا أصحي إلا الجوال عندي
وقمت وخليتهم ودخلت غرفتي ونزلت عباتي
وبدلت ملابسي ونمت .. وما صحيت إلا على
صوت أمي تصحيني .. ساره .. ساره .. ساره
قومي أذن المغرب قومي صلي ..
طيب الحين أقوم ......
بسرعه أبو ريم [ زوج اختي ] جابلك هديه
فزيت وش جابلي يمه ...
مادري عطاني هالكيسه وقال هذي هدية ساره
أخذتها وفتحتها إلا بوسطها جوال الفيصليه
وكرت سوا .............
و ا ا ا ا ا ا ا ا ا ا ا ا و يمه جوال يمه صار عندي
امي يالله هالحين دقي علي صديقاتك وقولي لهن
لو وحده تدق على تليفون البيت ياويلها
نبي نرتاح وتليفوننا يبي ينام خلاص من اليوم ورايح
مالك حاجه بالتلفون وطلعت امي من عندي
قمت وجبت الدليل حق أرقام صاحباتي وكلمتهم
وعطيتهم رقمي ووزعت على كل من هب ودب
وصاروا البنات ما يدقون على البيت واللي يبيني
يتصل على جوالي ... ومشت الأيام ...
وبعد شهرين ..( ومن هنا تبدأ قصتي )
الساعة 1 ص كنت نايمه ...
والجوال وضع هزاز وحاطته تحت مخدتي
اهتز الجوال أكثر من مره حتى انتبهت وطلعته
اشوف مين ؟
إلا رقم غريب ومميز ........
انبسطت ورديت .......
آلو مين ......
يتبع ...............