الله يعطيتس العافيه على هالموضوع الرائع
وفي كلامتس مصداقيه
أنا عن نفسي وبكل صراحه طبعا مثل ما طلبتي راح أقول علاقتي بأخوي مهند على الرغم إنتس تعرفينها بس عاد بقولها عشان طلبتس و عشان الأعضاء الباقين
مهند مافي أزين منه رهيب ينحط على الجرح يبرا
الموهم : بكل صراحه هو نص وقته معي وطبعا مع العائله
بس وقت بسيط يكون مع أخوياه يعني مايغيب مره عن البيت
ولما يرجع يجي يحكيني وش صار له وش شاف وأنا نفس الشي أحكيه كل شي عندي وأسولف معه
يعني الوقت معه جدن ممتع الله يحفظه إنشالله
هو أصغر مني وقبل كم يوم لا يفوتكم طلع بطاقة أحوال ويحس إنه ملك الكون وبمناسبه ذلك عزمنا أنا وأمي وأبوي براء على العشاء عاد الحين ماراح يريحني كله طلعات وجييات هههههههههاااي
قبل لا يطلع البطاقه كان يطلعني مع السايق وهو معي بس الحين يقول لأبوي سفر السايق ماله داعي
هههههههههههاااااي مرره وده يحس بمسؤؤليه
طيب راح أقولكم مرره يوم تعب تعبن جامد
الصيف اللي قبل اللي فات كنا وقتها ماخذين الإجازه بالطائف
ومهند كان يروح لنادي رياضي (هو يحب شين إسمه رياضه وسباحه )
الموهم:
وقتها كان هو مسخن بس ما قلنا عشان ما نكبر الموضوع
وراح بعدها للنادي والله يهديه سبح والماء بارد وأخذله شاور وبعد بماء بارد ولما طلع من النادي ومشالله مع هواء الطائف تعب
طبعا كيف عرفنا جاء البيت ومكشرر وماله نفس يكلم أحد
حنا إستغربنا ولما دخلت أنا وأمي الغرفه لقيناه طايح من السرير وإيده مدري كيف كان مسويبها
إنفجعنا وقعدت أمي تصحيه مايتكلم وأنا مسبوهه ماقلت ولا كلمه ولا تحركت من مكاني ونادت أمي أبوي وأبوي على باله يودع قام يلقنه الشهاده وأنا مفجوعه
الموهم وداه بعدين أبوي المستشفى وقالوا إن عنده بس ضربه هواء
بعدها تقريبا قعدت يومين لا أتكلم ولا شي لين طلع مهند من المستشفى وجاء ولما شفته طيب رجعت الضحكه لوجهي وإنتي داريه يادجه عن هالسالفه حكيتس عنها
مهند في حياتي شين كبير مايوصف هو أخ واحد عندي وهو كل دنيتي
وبالنسبه لكلامتس
فيه بنات معي بالجامعه مثل ماقالت الدجه أخوانهم مايعطونهم وجه ليش ماأدري
الله يهديهم أجمعين
الله يخليتس لي يالدجه
تقبلي مروري