تكفين يا طيور حرار افزعي لي **
أبي عن ديار الأهل منك الأخبار **
تكفين حومي فوقهم وارجعي لي **
وإلا إن حصل لك حومة داخل الدار **
تكفين حـــول بيـــوتهم دوري لي **
سبعة فــروخ يوم أخليهم صغــــار **
شوفي ضناي وعودي وانكفي لي **
وشلونهم يا علهم صـــاروا كـــبار **
نسوا دفــــاي ونومهم فــــي شلـــيلي **
وش عـــلمهم يا عـلهم طـــول الأعـــمار **
قـــولي لـهم إن أمكم لـــــها عـــويــــــلي **
خـــمسة سنين دمــــعها دوم مـــــــــدرار **
وقولي لهم إني عـــلى طول ليلي **
أنـــوح ولــــيا قرب الصبح أنـــــــــهار
وقولي عيــــــونها دايـــــم همــــيلي **
تبكي ليا شافت من الناس زوار **
كـــل يوم أقول غـــدي حــديهم يجي لي **
راحـــــت سنينـــي مـــــا بهم واحد زار **
وأنا اللي من سبة سوات الحليلي **
حـــالي تردت كل مــــاله وتنهار **
وفرقى ضناي اللي تردت بحيلي **
كني على شوفتهم اصـــلى على نـــار **
يا ويلي كان الله عجل رحيلي **
وأنا لي سنين أبي لو هي أخبار **
يا عونة الله من يبي يرتكي لي **
جارت علي بأمر الولي كل الأقدار **
تنكروا من يدخلون الدخيلي **
واللي بوسط ديارهم يامن الجار **
قولي لهم يا طيور قلبي عليلي **
الله يا كافي قلوبهم صارت أحجار **
تكفين وسط ديارهم صوتي لي **
شوفي عــسى لأسمي مع الناس تذكــــار **
وقولي لمن نسيانهم يـــستحيلي **
ياللي نسيتوها ترى الوقت دوار **
يا هيه ياللي بالسماء ارجعي لي **
ردي خبر تكفين يكفيني أمـــرار **
شوفي أخبار اللي نومهم في شليلي **
من أذان المغرب لــــــوقت الأسحار **
شوفي اللي منهم ما هــتني في مقيلي **
إلا بمقيل مــــــعهم كـــــــبار صـــــــغار **
وقولي لهم إن كان حــملي ثـــقيلي **
مـــره يجون وعــقبها شيء ما صـــار **
وأنا يتولاني كــــــريم جــلـــــيلي **
يا علني في جنته وسط الأبـــــرار **
كم عانت هذه الأم من مرارة الزمــــــــــان <<<
اتمـــــنى تعجبكم
منقول