بسم الله الرحمن الرحيم
هذي اول مشاركه لي اتمنا نتال اعجابكم
علمتني المتـرفه وشلـون احـس اني ثري
نصبّتني عرشـها ونصبّتها عرش الحصــير
بس انا . علمّتها بصـدقي واصالة جوهري
كيف يحتاج الغنّي .. لخبزة احساس الفقير !!
اشعلي يا نجمة العشاق ليلك واسهري
امشي بنفس الطريق .. وجرّبي نفس المصير
وبلّغــي..... صادق تحياتي لحزني وقهري
يوم كان الشوووق لا يرحم ولا عندّه ضمير
وان تعبتي من دروب العشق واضناك سفري
اذكريني .. تستريح الريح ويطيب المسير
واذكري ....... تاريخي الموؤود بانقاض دهري
شهقة الخطوه الأخيره طيحة الحلم ( الكبير )
رحلة آمالي . فتات اوراقي ...... اطلال صوري
سكرة اشعاري . رماد ضلوعي احساسي الوفير
وغدرك اللي . ما احترم صدري ولا صان ظهري
وطعنة ٍ من يومها. ما مـرّت..... ايامـي بخـير
طيري بسرب امنياتك .. واوصـلي للمُشـتري
وانثري خواطــرك.... في واحة اللـيل الضرير
كان ... يا ما كان ... وتغصّ الحروف وتنقري
( سالفة حزني ) بصفحة خدك : الدمع الغزير !!
. كان شاعر غير.... لا ابو الطيّب ولا البحتري
كل ما قال : آآه . جمهوره من الفرحه يطير !!
كانت افكاره : كنوز ٍ توهب وما تنشري
يجتمع على موائدها المشــرّد .... والأمـير
كان يا ما كـان ... ويسافر سرابك لنهري
وتشهق بصدرك طيوفي من ورا ضـلع ٍ كسـير
فارس ٍ باســه شديد ، ويسكـنه قلب ٍ جري
ولا رزَقه الله حصان ابيض ولا سـيف ٍ شطير !
سولفيني وان تغشّتْك الدموع اتذكّـــري
يوم كان الحلم نهر .. وكانــت عيونك هدير
ويوم كنت آخاف ما يعجب عيونك مظــهري
وانحني منشان ما يفضحني الـثوب القصــير !!
اسألي كل الشـوارع والحدايـق واظـفري !
كيف كنت بكل يوم اهديك ( باقة ورد ) غـير
اسألي شباكك الوردي .. وش اردى بنظـري ؟؟
لا قعدت الف قبلة بيـــتكم كني غفــير !!
كنت احاصر غرفتك بجيوش عيني وبصـــري
كن لي عش ٍ بشباكك وكن العين طــــير !!
آآخ .. لو عشتي انتظاراتي ، وشفــتي منظري
لا سألني جاركـــم : وش بك هنيّا تستدير ؟؟
و المصــــيبه دايماً عذري : مضيّع دفتري !!
يبتسم ، ويروح وانا مصدّق انْ عذري خطـير !!
و بس يدخل . اسمعه يضحك بصوت ٍ مُزدري !!
( حنّا بالعطله وصاحبنا على الدفتـــر سهير )
اسألي الجدران .. عن خــط ٍ عجز لا ينقري !
علّم الجدران ( مالم تعــــلم ) فبوح الضمير
الســواد اللي على جفـوني من آثـار سهري
لو عرفتي كيف كحّلني به .. الليل المريـر
كنت لا جا الليل .. قلّطته على الجفن الطـري
لين نصّبني السهر لعيون خلق الله سفــير !!
وان نفاني للسهر يا متــــرفه حكم قدري
هالسهر يا ما نفى لي من ضحاياه... الكثــير
والبياض اللي تشوفينه تنامى..... بشْعـــري
من مظاليمه : هلال اعرج.... ونجم ٍ مستجـير !!
يا رُفات الطيش في تابوت الاحلام ....الـبري
من خذلني بالبدايه .... كيف اصونه ..بالأخير ؟!
ما بقى لك غير بعضي .. واستميحك ...باكثري
ضاع .. مثل النور لما ضاع عن عين.... الضرير
مثل ما ضاعت عصافيرك عن اغصان... شجري
مثل ما ضاع الامل عن صبح شباكي ....الصغير
وما بقى لك غير سالفتي .. وشعري .. وصوري
سولفيهن للشموع الحمر .. والفرش.. الوثير
للستاير .. للأساور ......... للحاف السكّري
للهدايا .. للتحف .. للمزهريّه ...... للسرير
واوعدك . وقت الحصاد . اتجاهل الجوع العُري
بس لاجل اكتب حروف اسمك بحبات... الشعير
ولاجل اعلّم هالزمان المستـبد..... العنصـري
كيف يحتاج الغني لخــبزة..... احساس الفقير
تقبلووووووووووووووو تحيااااااااااااااااااااااااتي