[العـ راعي ـليا]

اقتباس المشاركة الأصلية كتبت بواسطة سماوي لا تحرق الصدر خل النار مشتبه =ودي افضفض واسولف عن براكيني حيا الله اللي بحور الشعر تتعبه = لو كان ماهي من الحيله تدانيني من عقبك الشعر يا ثقله ويا صعبه = ما كني اللي نسيته كَنْه ناسيني فنجالي القلب لأجلك جيت مصطبه= اقدمه بالغلا وتسوقه ايميني السلام عليكم ‘‘‘ والله يمسيك بالخير يا راعي العليا .. وآسفين على القصور.. والسموحه على هالأبيات والله انها على عجل .. شفت اخوي طارق على البريد معي وبشرني بإشرافه وطلب مني اعدي .. ويعلم الله ما طرالي غير قصايدك .وصحت بلاعيمك وهذي الساعه المباركه اللي عديت فيها وقريت من شعرك الوافي يا وافي ... وعلى البركه لخونا طارق .... اخوك : هجير الشتاء ‘‘

ياصاحبي ياعلاج القلب ياطِبّه=ياللي غيابه كما النيران تكويني
يامن فجوج الحنايا الحدِب تطربّه=ما تدري إن الموادع له قوانيني
وشلون ياصاحبي ترحل ولا اتنبّه=وانا الذي في غيابك من يواسيني

وعليكم السلام ورحمة الله وبركاته ’’’

يالله حيه مااايجي منك قصووور ياغالي ...

والله ولك وحشه ما يعلم بها إلا الله " ما يصير ياخوي

لا حس ولا خبر فجأه كذااا ماتدري إني بعد رووحتك بفتره جت

عيني على كلمة (منسحب) وبالصدفه ،لأني استغربت طول الغياب

وما غير رديت على حاالي / وانا اقوول وينه له مده.

وقفّلت معي لكن ما باليد حيله .

لكن بصراااحه كان عندي شك 99% أن هجير هو .....

لدرجة إني مره فكرت ارسل رساله

وتأكدت لما قريت القصيده قبل ما آصل إلى آخرها وقلت /

والله أن هذه ما قالها غير هجير .. وتبي الصراااحه بالعاااميه "" كيّفت ..

لا تقااطعنا ياامعووود ترى مشتاااقين لك بالحيل يالذيب ..

تقبل تحياتي

دمت بوود