اقتباس المشاركة الأصلية كتبت بواسطة معدي المراقيب بركت لحمول الزمان الثقيله = وأشتلتها شيل الجمل للحمولي ماقدت وجهي للردى والفشيله = رجلٍ وأحسب حساب عرضي وطولي أقطع يميني لو تمد الهزيله = لابو الضعافه يالرجال الزحولي والرجل لو ماعد ضمن القبيله= ماحدٍ توحى لهرجته وش يقولي لاصارماعدا براس الطويله = لايمتحن بالهرج ذولا وذولي فراق شمل الناس وش يندعيله = وش لازمه في مجلس أهل العقولي ضعيف في الميقاف يمنىٍ بخيله = عند العرب ماضنتي له قبولي يقطع مساييره ولاحدٍ يجيله = لايعدي العربان شين الفعولي يسلم جناابك أنت راع الأصيله=يفداك اللي للطايله ما يطولي عز الرفيق ليا أنتخى تنتخيله=درب المراجل به تصول وتجولي ترى العميل اللي يربح عميله=شرواك يا معدي كريم السبولي