لاخير بانسان رمى ثوب ماضيـه
وبالتاليه يسعى لطمـس الهويّّـه
للشمس نور يحسب إنّـه يغطيّـه
ما يدري كفوفـه بنـورة خفّيّـه
وأنا فدا الماضي ليا حلـ طاريـه
أنسى الحيـاة المترفـه والشقّيّـه
طبع البداوه عشقي وميّتـه فيـه
وكلّي فخر لاقالوا إنّـي بدويّـه
إيه ابدويّه آخذ الخيـروأعطيـه
وأبادل المعطي جزيـلـ العطيّـه
إيه ابدويّه وأزرع الطيب وأجنيه
الطيب زرعي ما زرعت الرديّـه
إيه ابدويّه لـو تزيـد المشاريـه
وببقى على عهـد البـداوه وفيّّـه
ماألاحق الموضه بسوق المسافيه
اللي لهن كل يوم روحـه وجيّـه
الله سترني ، ثوبهـم ذاكـ ماابيـه
لاصار تطريزه بسلـكـ الخطيّـه
ماني من اللي أثبت العكس وأنفيه
وبيني وبين العيب حوض المنيّـه
ومانيب دلّوعه ولا قلت : (أمبيه)
ولالي على كثر الدلـع مقدريّـه
رزينه وثقلي على الخـفّ أبديّـه
دام الثقـل زينـه لعقـلـ البنيّـه
كرامتي نجم سطـع فـي لياليـه
ولاذلّني مخلوق ما دمـت حيّـه
لنفسي عليّه دين لاشـكـ أبوفيـه
ولا دفعت لمقتـل الخـوف ديّـه
وأقول للي جهل الأيـام معميـه
مولوده ، وعشت ، وبموت ابدويّه
....