كل ذنبي إني حبيت
وياريت ما عرفتك ياريت
ولا توهمت إني حبيت
*****
جيت وقلت لى بحبك
أيه رأيك إسألي قلبك
رديت بصراحة أنا خايفه
عن الحب وعذابه عارفه
فرح وسعادة وشجن
دموع وجرح ومحن
*****
قال لى ابعدى الخوف عن قلبك
وللحياة افتحي صدرك
ده نصيبك من الدنيا حبك
*****
بدء بينا الكلام وكترت الاحلام
وصحيت في يوم بألام
ده كله كان أوهام
*****
صحينا علي واقع بيقول فين الشقة فين الأموال
معاه وقفت وقلت له معاك أتحدى الأهوال
و أتحمل معاك كل الأحوال
*****
دخلت الظروف بقسوة
وضعفه عطاها فرصة
للمسئولية ما عنده فكرة
*****
بين الأجناس نوعه ذكر
وعن الرجولة ما عنده خبر
الحب عنده كلام كتير
وهو للأفعال فقير
لا يعرف يحدد مصير
ولايقدر قرار خطير
*****
وقفت الصعاب طابور
وكان للخلاف ظهور
وبدء بينا الفطور
*****
اتحول حبي لمرار
واضطريت لأصعب قرار
لأني أسأت الأختيار
الفراق هو القرار
الفراق هو القرار
*****
اتمني تعجبكوا بإنتظار نصائحكم
والسلام عليكم ورحمة الله وبركاته
اختكم شطورة