[طعم الايام]

اقتباس المشاركة الأصلية كتبت بواسطة !ارجوك اعفيني! أسمح لي بان أطرح عليك بعض الأسئله .. أنا الآن في السنه الثانيه بكلية الهندسه بجامعة الملك عبدالعزيز .. و أدرس هندسة طيران .. أبغى منك نصيحه تهمس بها لأذن أخوك الصغير !ارجوك اعفيني! بما أنك متخرج و متمرس .. لأن فيه كثير يجهل هندسة الطيران .. و للعلم .. انا دخلتها حباً و رغبه من صغري .. تقبل تحياتي !ارجوك اعفيني!

هلا وغلا بك يالغالي والروعة بحضورك وطلتك علينا

:: نصيحتي الأولى لك ::
الدراسة بشكل عام فيها تعب وهالشيء اكيد لكن كليتي
وكليتك (الهندسيه) بشكل عام التعب أضعاااف ..

ياما نمنا بالكلية وسهرنا ،، الي بقوله لك حط في بالك
إنك تصير قد هالتعب وخلك مستعد من الحين ...

:: نصيحتي الثانية لك ::
إعتبر كل الي بالكلية عندك من دكاتره وغيرهم زي (القفول)
وانت (الماستر كي) لهم يعني لا تنتظرهم هم يسوون لك رغبتك
لا لا ..

انت كل نوع قفل لازم تعرف شلون تفكه بتواجه قفل سهل الفتح
وقفل ثااااااني بتطلع عيونك عليه بس تطمن بالاخير اعرف وش
يحب وبتقدر مو بس تفكه (إلا بتنجح عنده بإمتياز بعد)...

:: نصيحتي الأخيرة لك ::

قااااااااااتل بكل ماعندك عشان يبقى معدلك مرتفع ومن الآن
خل عينك على المعدل العالي ، لان بالكليات الهندسيه مافيه
وسط : اذا معدلك عالي (4وفوق) وظيفتك بجيبك .. اما اذا
من (3.5وتحت) بتتعب عشان تحصل وظيفه ويمكن ماتحصل!!