بسم الله الرحمن الرحيم
كم تمنيت ان أكون أحد اعضـاء هذا الصرح الشامخ .
قصيده مهداه إلى الملك عبدالله بن عبدالعزيز حفظه الله
وهذا اقل شي صراحه نقدمه إليه ويستاهل أكثر من كذا .
وأعذرونا جميعاًعلى القصور .
اللهم صلي وسلم على نبينا محمد
سرى مخيل الشعر يمطر بالأمزان =وأسقى العرب في نجد وأرض الجزيره
هلت سحابه وأرتوى كل عطشان =فالمملكه سالت سيوله غزيره
وأرض المشاعر زرعها اليوم قيفان = من لسن شاعرنابعه من ضميره
مضمونها في مدح قادات الأوطان = والمملكه بوجودهم مستنيره
أولاد أخو نوره سلاطين الأزمان = أهل المكارم والعقول المنيره
هم أسسوا للمجد والعز بنيان =والمجد لأل سعود ذكرى وسيره
وأرض السعوديه بهم ثوبها زان = في ظلهم كل الموارد وفيره
من عقب ماكانت صحاري ووديان = أضحت نواحيها حدايق خضيره
فيها الحضاره والتطور ولإتقان = والعلم بعد الجهل فيه البصيره
والدين والإيمان منهج وبرهان = قاموا بواجبهم تجاه العشيره
والعدل والإنصاف للحكم ميزان = بل هو أساس الحكم للي يديره
والفضل بعدالله عايد للأخوان = أهل المكارم والصفات الشهيره
هم نصرت المظلوم في كل ميدان = عون وسند لأهل النفوس الضريره
يالله يارحمان ياعالي الشان = تحفظ أبو متعب وتحفظ وزيره
وسلامة روسكم يالربـع