[نايف الشريف]

اقتباس المشاركة الأصلية كتبت بواسطة بدر الشمـري اسعد الله اوقاتكم احبتي نصيحه ان شاء الله تروق لكم كل حلم وله نهايه وكل مجد وله ضريبه = وكل دوله له زمان وكل نجم وله مغيب لاتظنك شيء ثابت انت في دنيا غريبه = والصراحه مو غريبه انت الي فيها غريب كنت اظنك تفهم انه كل شخص وله نصيبه= يعني مهما كنت بلوى ماتطول الا النصيب لو تحايل منت طايل من وراه الا الغليبه= والندم محصول حول من التحايل ياللبيب لو تسمى في رجالٍ عز منهو يعتزي به= لاتظنه صار كافي قولتٍ ساسي عريب النبيذ ام الخبايث كان في اصله زبيبه =شوف عاد شصار منهو كان في اصله زبيب إفهم ان الطيب مطلب والرجل يرقى بطيبه= والمنافق شخص فاسق خايب وفعله يخيب وإن قول الصدق يعني للرجل قدرٍ وهيبه = و الكذب خصله تعيبك عيب ماهو اي عيب وفي النهايه كلمتين اقولها لك وانتهي به = بختمه مني نصيحه علها تلقى مجيب لاتقول اني فعلت و خل فعلك ينحكي به =ولجل تكسب ود غيرك كن مع غيرك اديب احترامي بدر الشمري

ما اقول إني فعلت ودوم فعلي ينحكي به=فارس الكلمة وطبعي دوم مع غيري اديب
وانت مثلك بالمواقف للبعيد ومع قريبه=كم خطا قد جاك لكن يمسحه صدر ٍ رحيب
والخمور النواع منهو قد شرب ربك حسيبه=دام فالدين النصيحه منت للعالم حسيب
الله الهادي وكل ٍ عارف الدرب ومشيبه=ناس فالمسرح وناس ٍ حاضره خطبة خطيب
لوتجيـّـش للمواعظ جند او ترسل كتيبه=ماقسمه الله صاير شر او فا لناس طيب
سنة المختار كل ٍ عارف ٍ سنة حبيبه=ماقـِـدر في جده اللي مات والدعوة نصيب
عيد قول الله هادي من هداه الله نصيبه=والهدايه قمست الرحمن من تبغى تصيب
هذي الدنيا تشوف اشياء فالدنيا غريبه=كل شي ٍ لا تغيـّـر صار في فالدنيا غريب
مالنا غير النصيحه بالحكي ماهي غصيبه= كلمة ٍ تصلح وكلمه لاحكيناها تخيب
المهم اللي علينا يم خالقنا نجيبه=هذي الدعوة وخلـّـك دوم يم الله قريب