ياحي جيت ازعلك لحظـه واراضيـك
الله يابعـد الزعـل لحظـة رضــاك
اشعلك واطفي واهج(ن)يشتعـل فيـك
اطفي الزعل بك واشعل الشوق جـوّاك
واذا انتثر دمع العتـب فـوق خديـك
وانساب لين يحل ضيف(ن)على شفاك
والأبتسامـه خالطـت دمـع عينيـك
ياكن دمع العيـن جـاك ايـ(ترجّـاك)
غالي منك وقّف علـى غالي(ن)فيـك
وصار العطاء مدري منك او هو اعطاك
وفي صمت كفك عانقت كـف غاليـك
وكـن الخلايـا تعتـذر مـن خلايـاك
الملمـك واجمـع شتاتـك واخلـيـك
تنسى الخطاء منّي وانا انسى خطايـاك
تقرب وانا اقرب تحتويني وانا احويك
لين انت تسكني وانـا اسكـن ثنايـاك
يمناي من تحتـك والأخـرى تغطيـك
وانا بعد تحت ايمنـك فـوق يسـراك
في همس تحكي لي وفي همس احاكيك
تسـأل واجـاوب وأسألـك واتحـراك
وتقول انا مبكـي منـك لكـن ابكيـك
اخاف من صـدّك وهجـرك وفرقـاك
واقول لـك معقولـه اقفـي واخليـك
وانساك لاواللي مـن الطيـن سـوّاك
تشهق وتضحك لي وتقرب وانا اجيـك
حتى ضلوعـي تلتحـم مـع حنايـاك
ومابيـن يدّينـي وانـا بيـن اياديـك
نرقى سوى نعبـر مـدارات وافـلاك
ونرحـل بحاضرنـا لماضـي لياليـك
ونبقى معاً ماغيـر انـا بـس وايّـاك
وتقول لي ياحـي ازعـل وابرضيـك
الله يابعـد الزعـل لحظـة رضــاك
ــــــــــــــــــــــــــــــــــــــــــــــــــ ـــــــــ
بدر الشمري
صح لساااااااانك،يالذيب
قصيدة عذبه ورائعه،،مفردات تناسب احساسك في القصيده وكذلك قافية سلسه وجميله
شاعر نتشرف بوجوده بيننا
لاعدمنا هالطلة
تحياااااااااتي