بين حب التلاقي وإحتضار المكان=كيف نلقى بعضنا يا حياتي سوى
ليش نلقى بعضنا فالليالي خوان=وليش نفقد بعضنا في دروب الهوى
كم تمنيت شوفك لو للحظة زمان=لأجل قلب(ن) بحبك ماأظن أرتوى
آه من هجرك اللي بعد ذاك الحنان=كيف طاوعك قلبك للرحيل وقوى
احسبني بكونك يا سهيل اليمان=وأنتي اللي ثريا وأثر مالي لوى
ما تندمت يوم ٍ لو خسرت الرهان=لو آسامر بليلي كل ذيبٍ عوى
روح غرّك زمانٍ ماذكربه آمان=قيل ما طار طيرٍ فيه إلاّ هوى
حسبي الله جزاتي في ودادك هوان=حسبي الله هواني من ودادك طوى
في غيابي حبيبي اعتبرني جبان=ذاب حبك بصدري والفؤاد انكوى
وانتهيت لحقيقه ما فهمها لسان=ليت حب المظاهر... ليتها محتوى