مرحبا كيف اصبحتو وكيف امسيتو الطبطبه اول شي راح اعلمكم وشــ هي الطبطبه : الطبطبه هي نوع من انواع الطب حنا في زمن كثرة فيه القنوات الفضائية حتى البعارين صارت لهن دعايات تخيلو اني اتابع قناة كل دعاياته عن العلف والشمايل والفيدوات النوقيه بعد مرور ساعه من مشاهدتي له قلت (نيااااااااااااااااا) لاتحسبوني خبل لكن تخيلت نفسي جمل المهم تعريفي للطبطبه :هو التطبطب والتطبطب جمع طب والطب هو بمفهومه العام لدينا سماعه وميزان وشروب فيفادول ومن اسهل الامور بوقتنا هذا انك تحصل على عيادهـ طبيه ومو اي عيادهـ لازم تكون عيادة (كمخ) اقصد عيادة نسائية ..الله والعالم ان قناة النيايق تبي تللي على تالي الحروف المصفوفه بنافوخي العيادات النسائية: : من انجح العيادات واسهلها للوصول الى الربح اصبرو خلونن ابقتلب على جنبي الاخرى توهـ يزين الحش بــ شلة منيرهـ وخواتها العيادة الحريميه ... على قولة الجيران من انجح العيادات لان الحرمه دلخه هبلا دجاجتن صقعا ماتدري من وين هي هابه اول ماتسمع ان فيه شين جديد وعاجن وسط شبات هالضحى طارت لمهـ عاد انا من هذا المنطلق فتحت عيادهـ نسائية بسـ مو عيادة ولاده وشغل انابيب لا والف لا عيادة تجميل وتخسيس يوووووهـ ياحوبي للعيادهـ تجنن نرجع لكلامنا في عيادتنا تجدين عزيزتي الجلمه الشبهه الشديهه 1-التخلص من الوزن الزايد وانطناط الكرش الى الامام اللي مخليك تقل سيارة مصاريه مسافرين لمصر 2- تنظيف الوجه بمنظفات الصحون حتى يروح صدى الدهون عن جبهتك 3- الجري بسطح العيادهـ كي تعلمين الجمباز والكراتيه... لجل تلزخين ابو الشباب لاتفرعن عليك 3- تقصير وتطويل الخشم على ماتبين ... قولي بس من مثل خشمه نعجنه لك وتصيرين مثله 4- تبيض الاسنان وتصفيرهن وخرط الضروس.. لمقاومة طقوس وتقلبات المناخ السعودي 5-تدريب الحنجره والاحبال الصوتيه على الكلام الناعم والغنوجي ... 6- هذه الفقره توها مو الحين نقولها دراسه وزنيه للاجسام البدنيه الانسانيه اذا كان الوزن من 25الى 40 عندك نقص بــ التغذيه يلزمك زيادة صحن كبسه قبل مغيب الشمس اذا كان وزنك من 40الى50 سمي بالرحمن الرحيم وتسبر لقمتك لا تربعت على الصحن اذا كان وزنك من 50 الى60 وزنك حلوو ولاتطولين على الصحن خلي السوالف عقب الاكل اذا كان وزنك من 60الى70 وجع لاتسثرين من حبيبات هالرز نوع لاتنزجر ين خلي العشاء شكشوكه اذا كان وزنك من 70الى90 سير ي علينا بالعيادهـ خلي نغسل بطنك من البقع الدهنيه اذا كان وزنك من 90 الى 110 مالك الا تربط يديك لجل ماتطول الصحين ومشتقاته الى هذا الحد نكتفي