[< آهات عزوبي >]

جيت انا التمساح الكبير .. هع هع

الحمدلله والشكر على الفوز .. لازم ياشباب ياهلاليين نشكر الله لان بالشكر تدوم النعم ..

الحمدلله ياسر اليوم ماقصر .. والتايب فسح فيهم .. وقلبها صالة تزلج بالملعب ..

ياسر صنع هدف .. وسجل هدف .. كبير يالقحطاني .. كبير ياأفضل لاعب في آسيا .. في الآونة الاخيره لعب 11 مباراة وسجل 11 هدف .. عيني عليه باردة ماشاء الله تبارك الله .. الله يعطيه الصحة والعافيه .. الله يخليه لنا .. ومن حسن لاحسن باذن الله .. ومازال للمجد بقية يابو سعيد يامعذبهم .. ايو الله صادق اللي قال عمهم وحارق دمهم .. ولا الثاني اللي يقول .. ان قدرت زيدهم زيدهم ..

اما التايب غيييييييير .. التايب لاعب يستاهل الراتب اللي ياخذه .. لاعب مهاري لاعب .. احلى شي مهاراته اللي اخر المباراة صراحه شوي وتدمع عيني منها ..

الزوري .. الغامدي .. تفاريس .. الدعيع .. ماقصرتم اليوم .. كنتوا نجوم كباااااار كعادتكم ..

الدعيع كان أسد في مرماه .. الله يطول بعمره .. مع اني ظالمه دايماً اطالبه بالاعتزال .. لكن اليوم رد علي .. اتمنى يظل على هالمستوى الاكثر من رائع .. ولا تجي ايام مباراة الاهلي يؤ يؤ الله لا يعيدها ..

طلة الامير محمد بن فيصل .. رغم انه ماحلق دقنه .. مزعلني في هذه هع هع .. كمان طلة الامير بندر بن محمد كانت روووعه بعد .. ناقصنا عبدالله بن مساعد ونذوب ..

وانا اكثر جماهير الهلال ندم لاني ماحظرت المباراة .. لاني الخميس راجع من الرياض للقصيم .. ياليتني جالس يوم زيادة وحاظرها .. بس الظروف حسبي الله عليها اجبرتني على العودة .. << -- امش يالبزنس ..

تلاحظون اني كثرت الهرج .. آسف بس رونق الهلال وطلته وحضوره وكبريائه وامجاده وتاريخه وهيبته وسمعته وشعبيته وجماهيره ورزته وكشخته تخليك تكتب وانت ماتحس ..

ياجماعه باي قبل ماتخرب الكيبورد ..