بسم الله الرحمن الرحيم ... أول شي أحب اشكر أختي روبي على مجهودها الرائع ..<< ولو إني كنت ابيه ينزله شنب هههههه بس مو مشكله .. الكل فيهم الخير و البركه .. المهم .. انا بكتب لكم عن رحله .. بس كانت بحريه .. مره .. طلعنا انا و سهرتني و تبوك الورد و باقي العائله الكريمه لحقل (( حقل مدينه ساحليه تابعه لمنطقة تبوك تبعد عن تبوك 250 تقريبا .. بحرها و ساحلها نظيق و حلو و رايق جدا )) المهم .. طلعنا من تبوك .. << طبعا انا و سهرتني بسياره وحده و كنا مع اخو سهرتني الكبير حماده (( محمد الله يسعده )) و طول الطريق ضحك و فله و ونااااسه ..و وصلنا و نصك لنا ثلاث مدري اربع شاليهات خاصه جنب بعض ... و نزلنا الأغراض .. طبعا سهرتني كانت اغراضه بسياره ثانيه .. و انا اغراضي معي .. و الشباب ما وصلوا و سهرتني ماسكه معه يبي ينزل البحر .. و هو يسرق ملابسي .. و ينزل البحر بس ربي ما يرضى بالظلم .. طاح بالبحر و دخل بكفه شوك البحر الاسود .. << يامنت كريم يا رب يستاهل .. انا ما كنت راضي أنه ينزل للبحر .. قلت له أركد .. و اصبر خلنا ناخذ نفس شوي و يوصلون الشباب .. بس لا حياة لمن تنادي .. المهم اننا وديناه للمستشفى و ما ادري وش سووا له .. الي اذكره صكووووه بكم أبره .. هههههههه <<< طبعا غسلت الملابس ستين ألف مره بعد سهرتني هههههههههه المهم اننا زبطنا وضعنا على الليل و سوينا كل شي .. و بجت أول ليله و سهرنا و تعشينا و لعبنا كوره و مزحنا و صلينا الفجر .. و فيه منا الي راح نام و فيه مننا الي يبون يتابعون شروق الشمس على البحر و انا منهم << يا قلبي عالرومنسيين المهم رجعنا للشاليه .. و كان سهرتني و تبوك نايمين ... و كان معي اخو تبوك .. و رحنا للمطبخ .. و طحنا الفحم لين صار مثل البودره .. و مسكت كاميرة الفيديو و رحت ورا اخو تبوك و دخل الغرفه .. و رفع البطانيه عن سهرتني و قام يخطط على وجه سهرتني (( خطين على كل خد .. و 3 خطوط على الجبهه .. و نقطه عالخشم .. و يثقل الشنب .. هههههههه )) لا و من زود اللقافه نثرنا شوي من البودره على وجهه و تركناه و رحنا للباقين واحد واحد .. و صحوا يطالعون ببعض .. و كل واحد يضحك عالثاني و مو داري ان وجهه اسود .. هههههههههههههههههههههههههههههههههههههههههههههههههه ههههههه المهم انهم توعدوني أنا لحالي .. و اقولهم يا ناس و ربي مالي ذنب .. انا بس اصور .. و يقولون لا شاركت بالجرم .. و اخو تبوك هرب من الشاليه شوي .. علشان ما تدور حوله الدوائر .. هههههههههه بس عارفين انه معي .. المهم انهم ما قدروا يسوون لي شي لأني بالرحلات ما انام .. و ان نمت ساعه و لا ساعتين و اقوم .. <<< ما يعرف ينام بالرحلات .. ما يجيه نوم .. و من مبدا ان الرحله و ناسه فما له داعي النوم طبعا للعلم . سهرتني الليله الثانيه كلم امه و راح نام بالشاليه الي فيه العوايل .. عشان باقي الشباب ما يقدرون يدخلون له .. ههههههههههههههههههههه و كانت رحله فيها جميع أنواع الدلاخه و المتعه و الإستهبال و الوناسه ... و كملنا الرحله فله و وناسه .. نروح البحر نسبح كل يوم .. و نغرق بعض << دلوخ ههههه و كنا نرمي شي يغوص بالبحر .. و نسوي تدحي على الي يجبه .. .. و ما بقا لعبه ما لعبناها بالشاليه .. و كانت رحله فله و وناسه ... أتمنى انها عجبتكم .. و لي عوده بإذن الله ,,,