[معــ جروح ـانق]

هلا بك أخوي / بندر
منور الموضوع بالهطلّه الحلوه

وأنت هالحين صاحب النموذج الثالث
يلا نبدأ بالأجوبه


***************************

- من هو لاعبك المفضل
محليا / نواف التمياط
خليجيا/ بشار عبدالله
عربيا / حازم إمام
عالميا / ريفالدو

***************************

وأيضا من هو مطربك
محمد عبده - خالدعبدالرحمن - عبدالمجيدعبدالله

***************************

2- لو عرض عليك اللعب بنادي معين كنت ستلعب لصالح من؟؟
- بألعب للي يدفع أكثر

********************************


3- طب عليك فجأه مكتب f b i وقالك انت متورط مع تنظيم القاعده وشهو شعورك في هذه الحظه
- والله مدري بس أنا متأكد لو شافوني بيخلوني بيدرون اني في حالي:(

*******************************

- هل كان ودك تكون انت احد المجاهدين بأفغانستان وبالاخص من الاشخاص المتورطين بتفجير برجي التجاره
- لا مهوب ودّي ,,,

*******************************


5- اطرف موقف واجهته بحياتك وايضا أحرج موقف
- المواقف كثيره
بس أذكر موقف حصل لي يوم كان عمري 14 تقريباً
كنت عند خوالي وخوالي لاصرت عندهم كانوا يقفلون الباب وهم طالعين الصبح
لدواماتهم
<------------<< مايحب أحد يقفل عليه *2
وكانوا يقفلون علي لأني أذيّه ((ترى بس يوم كنت صغير كنت أذيّه هالحين قسم بالله حبيب وفي حالي)) *e المهم أسمع صوت عيال جيرانهم بالشارع وودّي أطلع بس الباب مقفول المهم يوم وصلت حدّي قمت ورحت للسور وطلعت على البراده اللي بالحوش أبي أطب من السور وأروح ألعب مع العيال
قمت طبيت مع الجدار لين هنا الوضع تمام والأمن مستتبّ
لكن المشكله يوم طبيت تعلق بنطلوني في مسمار طالع من الجدار وقعدت معلق
بين السماء والأرض:D
صايحت ناديت والعيال أستانسوا أني متعلق وما أقدر أوصلهم قاموا يرجموني بالحصى *2
أنا ماهمنّي الحصى أنا أنقهرت أني ما أقدر أوصلهم وأفقع وجيهم
ومافكنّي ألا السايق حق خوالي وطبعاً علمهم علي وأنجلدت ذاك اليوم منهم لين
دخت *1




أما بالنسبه للموقف المحرج
مره كنت مع واحد من عيال خالي نتمشى ودقوا عليه أثنين من زملائه بالجامعه تواعدنا معهم عند مطعم أبو كمال , أنا ماسبق ان تواجهت مع زملائه ولا أعرفهم يعني مابيننا ميانه المهم عزمناهم على العشاء من لقافتي قلت لهم نتعشى فوق
<--------<< على باله يعرف المطعم زين :D
المهم طلبت العشاء وتعشينا واللي علينا بالعافيه يوم قعدنا نسولف ونشرب العصير ناديت الجرسون وخذيت منّه الفاتوره وحلفت محد يدفع الحساب
<--------<< مسوي كريم
قمت خذيت الفاتوره ومن غير ما أطالع فيها حطيت فيها 100 ريال
((راس مالي )) :( وراحو العيال يغسلون قمت طالعت الفاتوره ابي أشوف كم بيرجع لي ((ياروحي يالثقه)) يوم طالعت الفاتوره ألا يوم بغت تطير عيوني #t طلع الحساب 346 ريال
طلعت المحفظه يمكن يكون فيه ريال هنا ولا هنا مالقيت ولا ريال بغيت أبكي من الحسره والفشيله المهم تداركنا الوضع وخلينا العشاء قطّه
<--------<< ياشين اللي يعزمون وهم ماعندهم سالفه*2

*********************************

- نبي العدد التقريبي للناس المضافين معك بالماسنجر واياً من الجنسين ( الذكر أو الأنثى ) تكون الاغلبيه
- 28 شخص وأغلبهم ذكور

*********************************

اقتباس <<<< يارب مايكون طقها ميانه حيل معانق لك احقية استثناء اي سؤال من الاجابه

بندر لاعاد تقول هالكلام
وش دعوى أخوي عزيز وغالي
أسعدني مرورك وأنا في أنتظارك,,,