للاسف العماله الاجنبيه لها حل وسهل لكن مو بيدي ولايدك بيد الجهات العليا
التي الى الان لم تتخذ ضدهم اي شي !!
مثل موقفهم السلبي تجاه استقدام العماله البنجلاديشيه .. دول الخليج نظفو هذه الجنسيه من بلادهم الا نحن تاركينهم يعيثون في الارض فسادآ .. ليه وما الهدف ..لانعلم !!
ايضا مثل موقفهم السلبي تجاه هروب العماله(السواقين والشغالات) ..الى الان لم يتخذ عقوبه رادعه ونظام وحمايه للمواطن ضد تلاعب مكاتب الاستقدام وتخلف وهروب العماله !!
قال وش فرعنك يافرعون .. قال مالقيت من يردعني ..
هل تعتقد لو ان البلد فيه نظام وعقوبات رادعه وحمايه لحقوق المواطن ورقابه...هل برايك سوف تلجأ وتتكاثر هذه العماله في هذا البلد ..لا اعتقد ..!!
غازي القصيبي عندما سئل بشان البنجلاديشيين ولماذا لم يتم منعهم ..قال اللي مايبي لايجيب!!
واحتمال ليس بيده شي طالما هناك اوامر عليا ..!!
مره وحده في مكتب الاستقدام كانت تقدم على سائق بنغالي ولما سالوها صاحباتها ليه قالت اخوي عنده 14 واحد على كفالته !!
كذلك المواطن ليس لديه روح التكاتف والاحساس بغض النظر عن الانظمه في البلد !!
وفعلا اول المحلات تلاقي فيها حضرميين او من جنسيه عربيه اخرى وان لقيت تلاقي هندي
الحين في اغلب المحلات يتواجدون البنغاليين بكثره وتلاقي افغاني وباكستاني ويمكن المحلات لهم وباسم سعودي ...
عموما طالما المواطن مو واعي وساكت مايتكلم مايناقش مايشتكي ... رح يكون الوضع في البلد من سيئ الى اسوأ
لكن اللي اشوفه للاسف اذا تكلم شخص عن عيوب مجتمعه بهدف المناقشه والتغيير هوجم من قبل اشخاص سلبيين لايحملون من الوطنيه الا اسمها فقط
اعذروني اذا كلامي مو عاجبكم ولكن هذه هي الحقيقه المره اللي مو انت ماتبي تسمعها وبس
ايضا احنا مقهورين عشانها ...
الله يعطيك العافيه اخوي على الموضوع