والله إني ماذرفت الدمع ياعيني رخامه =ماذرفت إلا دموعٍ خاشعه للي خلقها
غير دمعٍ عقب فرقا هيضه صوت الحمامه=كل ماغنت تبوح بوجدها دمعي سبقها
ذكرتني غربتي والهم ودروب الندامه=وأذكر أبيوت الغلا وأبوابها وإللي طرقها
لآ طرالي حرفة المعسول قطيت العمامه=قمت أفتش في دفاتر شعرها وحضن ورقها
أحظنتني يوم حزني ساد في عيني ظلامه=شمعةٍ ضوّت سماي ونورها للي حرقها
تمسح إدموعي بيد ويد ترسمها بتسامه=الفرح منها وفيها وردةٍ يذكي عبقها
أعشقه طيفٍ رسمته ماقدرت أنسى غرامه=فرحتي - يامن عذلني - بعدهم وقتي سرقها
فاقدٍ زوله وطيفه فاقده وأفقد كلامه=أفتقد كلمه كتبها بالورق والا نطقها