هذه القصيدة المتواضعه الثانية اتمنى أن ترتقي لمستوى ذائقتكم الراقية .
مدخل:
ميلادها
يوم مختلف عن كل الأيام
يكفي أنه ميلاد للشعور الدافئ
والإحساس المتسلل في العروق
والحسن في أزهى صوره
والرقة في أعذب أشكالها
ولأن ذلك اليوم مختلف
فالهدية لا بد أن تكون مختلفة
حيرة
تردد
وتفكير عميق
لتكن الهدية ..............
تابعوا معي
اليوم ميلادك حياتي .. وجيت أقـــــدم لك هديـه
جيت أشـارك مـن غلاتك وازرع الفرحه بعينك
جيت أقــــــــدم عقـد وردٍ .. واثرك الورده النديه !
كيف وردي ايفـوح عطـره والعطـر يسكن يدينك ؟!
جيت أقــــدم تـاج لــولـــو .. لجــل يزهابك شويه !
بس نوره كـــــيف يظهـر والبــــدر أصــلا جبينك ؟!
قلت أقــــــدم عطــــر خالد .. فكـره بزعمـي ذكيه !
مـا دريت إن النســـايم .. تنتشي مــن يـاسمينك ؟!
وهــــــذا فستانك حـــريرٍ .. جيت أقــــدمُـه بيديه !
بس أخـــــــاف إنه يجـرّح .. قـدك الناعـم ولينك !
قــــلت ابكتب بك قصيده .. مـا اسمعتها العامرية
بس شعـــري لـو وزنته .. قـاصـر وخوفي يهينك !
وسـاعة ألمــــاس أذهلتني .. قلت أبهديها الوفيه
بـس خفـت الوقت يســــرع لا انذكر بينــي وبينك
وخفت أســــوي حفل باهر .. تحضـــــره كل البريه
لكن الغـــــــيرة امنعتني .. مـا أبي يشوفون زينك
وشعـــــرك المبلـول يجنن .. لا انتثر بالسـامـــريه
أدري اتمــوت العــذارى .. تـدري ؟ حتى حاسدينك
ورحــــــت أفكـــر من جــديد .. وش أقــــدم يالعذيه ؟!
وش أقـــــدم مــــن عطـايـا .. تحتفـل فيهـا سنينك ؟!
وش يـلـــيق بيـــوم عــيدك ؟ مـــــالقيت أيـة هـديه !!
قلت
أقـدم
عمـري
خـاتم
..
تلبسينه
في
يمينك
وسلاااااااااااااااااااامتكم