[سطآم]

بسم الله الرحمن الرحيم ..
السلام عليكُم ورحمة الله وبركاته ..


.

.


أحببت أن تكُون أول مُصافحه لقلمي هذه القصيده المتواضعه ..
علها تروق لكُم وترتقي لِذائقتكُم المترفه ..


.

.

كان ياما كان شاعر في دفاترك القديمه=شاعر ٍ مازال يكتب فيك من روحه ودمه
يرسل أشواقه قوافي غيمة ٍ من بعد غيمه=شاب وقفتبه سنينه يرتجيك تلد يمه
يلطمه موج الخليج ويجذبه نجد ونسيمه=لا لمع برق المشاعر فالمزون المدلهمه
جاوب الورقا ينوح وحط من طيفك نديمه=لا بكى يشكي همومه ردله طيفك وضمه
عاتبه وعرف ظروفه ماورا ظلمه غنيمه=لا تحاول في غيابه تظلمه ولا تذمه
ياوجودي من صدودك وجد من ذاق الظليمه=جرموه بدم أخوه ووجد أبوه وحسرة أمه
لو تبريه المحاكم ماتبريه اليتيمه=ثوب أبوها في يديها كل ماجاها تشمه
مابرا من دم أخوه ولا تقاضا من غريمه=ماينسيه الهموم الإ هموم ٍ فوق همه
ذاق من جفوة ربوعه والظلايم والهظيمه=لا قريب ٍ يحتميه ولا بعيد يروح يمه
مابقاله عند ربعه لا مقام ولا حشيمه=لا دخل مجلس وسلم صد أبوه وقام عمه
أحتقر نفسه وصارت عيشته من غير قيمه=مامسح دمعة عيونه عن جفونه غير كمه

.

.


وســـلامتكُم

(( سطام فيصل الشمري ))