[هجير الشتاء]

اقتباس المشاركة الأصلية كتبت بواسطة ساني ظلام الليل السلام عليكم ورحمة الله وبركاااته نص قديم نقحته اليوم وعسى ان يناال على رضاكم ماعاد فيني قدرة الحمل للهم=يكفي مصابي حسبي الله اجيري مدام خان اللي على القلب احكم=واغوى ضميري لين صار بضميري بأقيم في حل القلب حزن مأتم=وانادي الذكرى وعقلي منيري واشهق من البكوه وعلَي ابلتم=وارتب اوراقي وبعلن مصيري اما اكون اخون مثلك بلا دم=وادور الاعذار دون استعيري ولا ادور غيرك احاول اهتم=وانته بعد حاول تدور لغيري وسلامتكم

صح لسانك يا ساني ‘‘ مدري وش اكتب لك وانا خوك بس اسمحلي بآخر رعبوبه كتبتها

لا تمسح ايديني ولا بمسح ايديك = كل المصايب من حنانك ويدك
لو الفؤاد اللي لعنته يناديك = بيقولك يا شيين ما ني بقدك
من كثر ما احيابك واموتك واعانيك= صرت احسب حضورك غيابك واعدك
لا قلت صالح يا عسى الله يهديك = كن الفؤاد يقول معها يردك !
يالي سبيت الروح من قبل تشريك = ياليتني شاريك حتى آهدك
يابخت زوجك فيك لا ما اجتمع فيك = لا ما احسده بيك ولا امك وجدك
ضاعت حياتي يا مره والزمن شيك = إن ما صرفته فاليالي يقدك
آصلى جهنم في بداية تجافيك = وآموت واقف لا تلفت حدك
إسأل ترابك يا ( سمايه ) وأراضيك = وش ذنبها امي تستقي بعض ودك