[العـ راعي ـليا]

اقتباس المشاركة الأصلية كتبت بواسطة هجير الشتاء ياليتني ما جيت في مرثيه = حتى أبين لك سبب منهاجي أقسم قسم لو عاد به نشميه = ما طارت القمرا وهي معراجي هم الزمان.. يبدد الحنيه = كن الوجيه الخايبه بأدراجي يا ثوبي اللي ما حد ٍ له زيه = وش فيك تعقد للبلاط حجاجي أرفعك غالي من صميم النيه = ومن تحتك البركه ياليتك ناجي ارخيت عزمي وما غصبت ايديه = وانهد قصري وما وسعني تاجي سرب الحمام إن ما لقابي فيــّه = والله ما يشقى عشان احراجي انثر ظما‘ يشرق سراب الميه = واكتب عمى‘ وتشوفني أمشاجي ياليت يرجع فالزمن ماضيه = ماني بعايش به ولا محتاجي ودي اربي لي دروب معيه = من عقب ما اسنع واعيل انتاجي راعي العليا ‘‘‘ الله يرحم الشيخ ويسكنه الجنه ‘‘‘ صح لسانك يالطيب ‘‘‘ تحية عطرة ‘‘

يا الله ياعالم خفايا حيِّه=ياشايف النمله بليلٍ داجي
يامخضرٍ بالقاع من وسميّه=تزهر بها ريضانها وهباجي
ياكاشفٍ ظلام ليله ضيّه=والفلك تجري فوق موجٍ هاجي
الكون كله عارفٍ خافيّه=لسبع الكواكب في سماك ابراجي
ما غيرك احدٍ دايمٍ كرسيه=يامعتلي وحدك ملاج اللاجي
ومن بعد ذكر الرب يالله حيّه=ترحيبةٍ من قلب بك ... ياسراجي
يا مطوّل الغيبه ... ورى العيديه=وين القدم ياصاحبي بك ساجي
بشّر عسى الأحوال ميّه ... ميّه=ما ضاقت وسبل الكريم فجاجي
قصرك مشيّد وأنت في عاليه=وكل شدةٍ لها بيوم إفراجي
هيّضتني بالماضي وطاريّه=وقتٍ مضى مثل النجم وهّاجي
يوم البدو كلٍ على رحليّه=والخبز يطرق فوق ذاك الصاجي
تمر ولبن ... مع جمري ومصليّه=من فوقها السمن الرعابي راجي
وش جابها لكيك ... وندى وتمريه=وش عرّف الثريد ... نكهة ماجي
أبختصرها لا تطول شويّه=يا الله عسى عن ضيقنا مخراجي
تمت وصل إعداد خلقٍ حيّه=على الشفيع ... مبيّن المنهاجي