مرحبا اخوي المنصوري...
طبعا اخواني وردة وبقايا والهنوف كفو ووفو في ردودهم..
بس لو بغيت اقولك خلاصة الحل اللي لقيته في ذهني....واللي هو عبارة عن مجموعة من النصائح البسيطة من اخت تهتم لاخوانها واخواتها...
اولا: لا تترك الصلاة لان اللي فيك يعتبر من عدم الثقة في النفس والصلاة هي اقوى اساس للثقة بنفسك...وطبعا لازم تصلي برغبة منك في اداء صلاتك ولا بتقليد لروتين يومي وساعاتي...
ثانيا: حاول تشد حيلك سواء في دراستك اذا كنت تدرس او في عملك...وان كنت عاطل انصحك انك تدور عن شغل على الاقل يمنعك من التفكير في هاذي الاشياء..
ثالثا : حاول تكون صداقات جديدة...والعالم عمره ما يخلى من الطيب والمتدين والخلوق...لان اللي من هالنوعية كثيرين واهل الخير موجودين في كل مكان..
رابعا: لا تيأس ابدا ودايما فكر في الامل وتفاءل ..قال رسول الله صلوات الله وسلامه عليه: ((تفاءلوا بالخير تجدوه))...
وان ما نفع اللي قلتلك عليه...حاول استشارة طبيب نفسي واعرض عليه مشكلتك انشالله يحلها وتنفرج كربتك...
ولا تخلي هذي الاسباب الدنيوية تفقدك رضا الله سبحانه وتعالى عليك بتعذيب نفسك واهلاكها - لا سمح الله - ....
واتمنى ان تفرج كربتك وكرب المسلمين...
اختك : مناير...