اختي همس ....
اشكرك على الموضوع ... وابغى ادلو بدولي ... ووجهة نظري حول الموضوع :D
اولا ... لكل انسان مننا طموح واهداف مستقبلية ... والهدف يحطه الشخص لنفسه ويحدده .... " طبعاً نتكلم هنا عن الاشياء اللي يقدر يتحكم فيها الواحد مثل احلامه .. ولا اتكلم عن الاشياء اللي تفرض عليه فرض ويستحيل تحقيقها " ....
بس متى يفشل الانسان ...
الحالة الاولى : يفشل الانسان متى ما حط هدف صعب الوصول له ... اي اكبر من قدراته .. اكبر من امكانياته المتاحه له في الزمان والمكان اللي يتواجد فيها ... فأكيد بيكون تحقيق هاذي الاهداف صعب عليه تماماً ... إذن هو فشل في الوصول إليه ... اذن هو فاشل في وضع الاهداف المستقبلية ... " ورحم الله امرء عرف قدر نفسه "
وغالباً ما يتمنى الشخص اشياء كثيرة في الحياة ويتمنى انه يحصل عليها ... ولكن يعرف انه ما راح يوصل لها ... فتكون اماني مستحيلة التحقيق اكثر من انها هدف او طموح ...
الحالة الثانية : الانسان الناجح ... هو اللي يعرف وشلون يحط هدفه المستقبلي المدروس .. بحيث انه ما يكون صعب المنال ولا سهل المنال ... يعني مو سهل الوصول له مرة مرة ولا صعب ومستحيل تحقيقه .."وارجو التفريق بين الصعب والمستحيل " ... ويبقى يجاهد ويحاول مرات ومرات لحد ما يوصل .. بس في هالحالة متى يفشل ؟؟!!! يفشل اذا فقد الامل .. والصبر ... وقال ما اقدر ... ونسى كلمة ( دو إت )
الحالة الثالثة : الانسان اللي تكون جميع احلامه سهلة بسيطة مافيها اي نوع من المثابرة ولا المتعة ... وهذا يعتبر في وجهة نظري انه انسان فاشل لخوفه من الفشل ... فهو يرسم طموحاته واحلامه بحيث انه يقدر يحققها بكل سرعة وسهولة ... خوفاً منه ان ما يقدر يحققها ويحبط وييأس ...
وبس .... وهاذي مجرد وجهة نظر ... واسف اذا كنت بربرت عليكم واجد :D