اقتباس المشاركة الأصلية كتبت بواسطة هجير الشتاء بعد السلام ابدا وانا كل كلمه ..... مني تنادي ‘ يالــ / جنه او النار ! راعي العليا : عانك الله على غالي وإلا منهو دونه ما يسوى تعناله في البلاغه وبالتحديد في باب علم البديع / فيه شي اسمه .. الإيهام والتوجيه ..." بيت من الشعر او جزء من النثر له معنيين متضادين أولهم إطراء والثاني هجاء من الصعب على السامع أنه يحدد الجزء المقصود ! كفيت ووفيت بما قلت وصح لسانك في الشطر الاول من البيت الثاني ما يعني العباره اللي فوق‘‘‘ ماهو من أهل المرجله بس بعقال >>> هذا الشطر فيه ما يسمى ( بالإيهام والتوجيه ) يعني يا إنه يتضمن الإطراء او الهجاء ( وتأكد كل يشوف الناس بعين طبعه وعشان كذا صاحبك يعرف مغزاك) المعنى الأول :انه المقصود ( الشخص ) ماهو من اهل المرجله ولو راس ماله عقاله . ( وقبل لا اقول حاشى صاحبك بقول حاشى من قلت صح لسانه يكون عنوانه) المعنى الثاني : انه المقصود ( الشخص ) ماهو من رجال ( الظواهر ) يعني ( مخابر) . ( وهذا اللي خصه تفكيري ) الشاهد / اني لمست لوحه من الإبداع اطلعت عليها وحبيت اشرحها سواء كان عندك إلمام فيها وإلا لا . ماهو لشي معين إلا علشانك شاعر مبدع . ومن ناحية // يالطارف اللي حدني الوقت اناديه ! هذا الشطر اشوفه يختلف عن الشطر الي بقصيدتك .. هذا يكون / المدح في معرض الهجاء..وفيه محسّن بديعي عكسه تماما.. يمكن تشوف الشطر ظاهره هجاء / لو ماانحديت لك ما جيتك ! بس فحواه إطراء / لانك الوحيد اللي ناديته وشكيته لما انحديت وكل عزيز وضيقته مستوره إلا لا حده وقته .. ساعتها ما يبدي ضيقته لحي الله ‘‘ إلا لغالي وناديته بمعنى خصيته وشكيته ‘ والبيت الأخير الدليل. قل للزمن : وش حال مبتور الأحوال/ لا تمتم بما فيه ودمدم به التيه ! قلت اللي اونست فيه ودعاني اكتبها قصيده عشان آخذ علمه ورايه وانت ما قصرت‘‘ راعي العليا / بيض الله وجهك اللي خلاني اشرح مقصدك دافع حسيت فيه انك متميز في شي معين ‘‘‘ ويعطيك العافيه ما خلاني اكتب إلا شاعر وما خلاني اعلق إلا شاعر وما خلاني اطري إلا عزيز. واعتذارك في الصفحه الاوله خلاني اخصك الي عرفته انك مطلق قبل ما تكون شاعر ‘‘ هجير الشتاء يسلم راااسك أحب أن أذكر شيء قبل أن أرد عليك في هذا السياق أنا دخلت على أحد مشاركاتي وهي ( نويت ياصاحبي ) ووجدت ردك وكتبت بيتين تمنيت لو كنت كتبتهن هنا . بعد الأطلاع على ما كتبت في هذه الصفحه . وراح اكتبهن إن شاء الله هنا لا ادري من أين أبدا ؟ ولكن خلني أعطيك فكره عني شخصياً . والله أن ماعندي المام بسالفة المحسنات البديعيه مطلقاً . لأن صاحبك درس علمي البلاغة هذه مامرت عليه بنوب . وتبي الصراحه وكأنك قرأت مابداخلي في توضيحك للبيتين أنا وعلى قولتك ( وتأكد كل يشوف الناس بعين طبعه وعشان كذا صاحبك يعرف مغزاك) عارف أن المغزى المدح وصراحه لم أفكر بالمعنى الأخر لعدم المامي بما ذكرت . أما بالنسبه لقصيدتي : فأنت أظهرت صوره أخرى أنا ماجبت لها خبر . فأنا مغزاي ذكرته أنت وهو أني أقصد ( أنه ليس من الناس اللي يعدون حالهم رجال لانهم لابسين عقل ويحسبون المرجله فقط بلبس العقال ) يعني على قولتك ( مخابر ) وليس ( مناظر ) . حبيبي أشكرك على كل ما ذكرت ويعلم الله أن اللي شرواك ثروه لا غنى لنا عنها فعني شخصياً اقول لا تحرمني من توجيهاتك وتعليقاتك فأنا كلي صدر رحب لها . فلا تبخل علينا بالفائده فأنا ممن يتقبلون النقد ويعترفون بالخطأ . وإليك البيتين : وفّـيت بالشرح والتحليل ......... ومثلك وشرواك يعجبني الفاهم يعطيك بالتفصيل .......... وردك بلا شـــك يطربني وتقبل خالص تحياتي