الطلحي
صح لسااااااااااانك،ولاتوفي
قصيدة رائعة ولا نوفيها حقها
الله يعطيك العافية
بديت بذكر رب العرش خالق فيّها وظـلال
إذاتاب الفتـى يغفرلـه الأول مـع التالـي
وصلى الله على المختارماهل المطرهمـال
رسولاصادقامصدوق في اقواله والأفعالـي
تهيض خاطري في ليلة وانـا خلـيّ البـال
يدورالفكرفي راسـي يمينـا راح وشمالـي
أشرّقها وأغرّبها إليـن القـى بهـا منـزال
محد عندي يكون الليل ساهر وحدي لحالـي
أفكرفي غريب الوقـت والأيـام والأحـوال
يجيك الصبح في حاله ويلفي الليل في حالي
تغيّروقتنـا مابيـن ذا قـادم وذا رحّــال
وهذي حالـة الدنيـا مابيـن أيـام وليالـي
فيهاالمستحي يتعب وتصنع للوهـم تمثـال
وفيها الصقر جيعان وفيها البـوم يختالـي
وصارت قيمة الرجّال دام الجيب فيه ريـال
وإذاماقسيت أيامـه ولاواحـد معـه شالـي
وقالوه العرب وأصبح كلام العاقلين أمثـال
ّإذاكان الزمن ماطاع طيعه وأنـت رجّالـي
تشوف أشياء ماتعجب عسى ماهي لمثلك فال
ولكن هذي الهجـره مؤكـد حظهـا مالـي
وحتى الفرق ماتعرف مابين الرخم والرجّال
معاييرالزمن شطّت عن المنـزال منزالـي
تناظرفي الولد لابس من الألوان والأشكـال
وقصّات الشعرمابيـن باروكـه وشلالـي
وسيّاره يهبّطهـا وأفنـى عمـره الجـوال
ومن شارع إلى شارع طوال الوقت جوالـي
نسي لبسه وعاداته وحتى غترتـه وعقـال
نسي عاده تورّثها مـن الجـدّان الأبطالـي
نسي الترحيب والصفطان حتى قهوته ودلال
يجي ضيفه لبيته ثم يرجـع فـارغ خالـي
وقالاته يجيك بها مابيـن الجـد والإهمـال
ولاتاخذ منه كلمه لأهـل العـرف تنقالـي
قضيّه ياهل المعروف صعبـه مالهاحـلال
يكون الله من عنده وهو للصعـب حلالـي
أملنافي الرجال اللي توفّي الوزن والمكيـال
عسانا نرجع اللي راح في الأيـام رحالـي
عسى نرجع لماضينا وتصلح باقي الأجيـال
دعيت الله من قلبي سحـاب الهـم ينشالـي
وصلّى الله عدد مالاح برق بالسما وخيـال
على المبعوث بالرحمه عن الـزلات ميّالـي
لاحرمنا جديدك الرائع
ملاحظة:اشوفك تنصح كثير الأيام ذي>>>>>>>>>>وش السالفه،هههههههههه
تقبل مروري المتوااااضع
تحياتي