[هجير الشتاء]

اقتباس المشاركة الأصلية كتبت بواسطة الهدار اصبحنا سوقا رائجة للتسول من كل البلدان والظاهرة اصبحت احترافية واكبر من مكافحة التسول وامكانياتها البسيطة لكن انصح بعدم اعطائهم شيء فإن ذلك تشجيعا لهم ووجوه العطاء موجودة ولمن يستحقه وفقك الله

الهدار.. لا فض الله فاك ..
( مقصد صاحبك دائما مرتاب ) ..

تصدق..قبل ما ارد عليك هالرد ( هم كثر بارك الله فيك )
شفت لك وحده ( حبشيه ) بيدها عربتها الصغيره مع ولدها الصغير
قلت ليش انا عطيت انسانه شاك في مصداقيتها متوشحه بالسواد
وبالأدب وبالأخلاق ومرتاحة تحت نعش الأرض !

يمكن كان للخجل دوره . فعلا هي على باب الله او يمكن عشان اكسب وقت وارتاح
بس قلت ليش ما اعطي هالإنسانه فعلا ..

انا ما شفتها وأخواتها يطلبون من احد ( هل هذا دليل عدم الحاجه ) ؟
ولكني اشوفهم بحاله يرثى لها . من برميل اكرمك الله والسامعين لآخر
دون ملل ولا حتى كلل ..قلت من باب أولى وأحرى اني اعطيها .
ناهيك اساسا انها ما ألتفتت لا لي ولا لغيري ..

اعطيتها ضعف قيمة مساء البارحه للسعوديه او المتسعوده..
ناظرت فيني ( هو صحيح من الطبقه البلاك ريس ولكن ملامح الفرح غطت أصناف
الطبقات )

اخذت وليدها الصغير عشان يدعي لي .

بس ما ادري وانا اخوك ليش ساعتها حسيت أني كسبت ما بذلت ؟


تحيه عطره‘‘