هـــذي طعـــونك بالحشـــا
هذي طعونك بالحشا تجرح خافق مــــحزون
غدا فراقك سبب يفتــــح للــــشقا أبـــــواب
أنا الغريق اللي غشاني موج بحرك المجنون
ادور للفرح مرسى ادور للغــــياب اســـــباب
رمتني امواجك لشاطي طواه من الظلام سكون
وينك ياشمعة العشاق وينك يانجدة المرتــاب
كنت ارسمك نجمه في سما عاشق مفتـــــون
كنت المحك حوريه في بحر حســــنك الجذاب
هذا الغرام اللي غشا عالمي وملاه فتــــــون
مستحيل تنسيني غرامك مجرد حجج لغــياب
يا غرام ســـاكن اعماقي ياحنين ابد ما يكون
وينك ياعيون سبـــتني منها رعشــة الأهداب
يكفيني من الشقا دنيا سماها من هجرك طعون
وثراها ارض بالية يبــــللها دمعي الســــكاب
تعالي اسمعك غنوة فيها من الفنون فــنون
تعالي اسمعك همسة نغمها يسحر الألــــباب
تعالي تجرح خافقي من قنا رمحك المســنون
تعالي ابرسم للفرح بسمة واوصد للشقا ابواب