//
\\
//
\\
//
\\
يا خاين ..ناظر قبالك تشوف إن الزمن دولاب
صفالك......... لا تناظر لك ظلام ٍ شح في نوره
توكل شفني الشايب بذر له فالصدور أعشاب
ولا يقطف من أعشابه سوى موت ٍ كفل دوره
غريبه يالسنين اللي يعيش بوسطها ا لأغراب
بقالك بالزمن شــــــــيخ ٍ تعثر ما رقى سـوره
أماني والزمن يمدي ولكن وش يجيب إن صاب
سوا ليل ٍ سهرنا به ..وعشنا ...نقتفي جـــوره
رجاوي والزمن يلطم على كف العزيز خضاب
ولا عنده ...ولا حفـّل من اللي قز من طـــوره
دخيلك يالزمان اللي كساني فالهجير ثيــاب
انا قدي على قدي وعندي من الحفا فـــــوره
حبيبي حب من حبك وحبك في الزمن غلاب
معاليقك رفات انسان من حبك جهل شـوره
انا لحم وغدى طعم وبقى عظم وهوى لذياب
قبل تلفي دخيل الله لزوم تموت مستـــــــوره
//
\\
//
\\
//