يقول لي يا شاكي الهم لا باس =أصد لكن... لك بقلبي مراسي
أغليك أنا والله يا عذب الأنفاس = وأبي وجـــودك في حياتي أساسي
قلت الغلا لا صار مبني على ساس= يبقى مثل صلب الجبال الرواسي
حبك بـقلبي مــاله حـــدود وقياس = حتى ولــو إنــك بعيـــد(ن) وناسي
اخلصت لك مالي بغيرك من الناس= أنــته حــيــاتي وأنت أهلي وناسي
حبك على عيني وقدرك على الراس = ياللي خذيت القلب واصبحت قاسي
الحال بعدك صابها هم واتعاس = والعين فـــارقـها لـذيــذ النعاسي
أنا عطيتك عهــد صادق وحساس =إني فلا انسى الحب يا تاج راسي
وإني فلا اسمع هرج حاسد وبلاس =أهل الحكي كم سببوا لي مآسي
ودامك شريت الوصل من بد الأجناس = فأنا بعد شاريك وابدي حماسي
هذا جوابي وأنت فخر(ن) ونوماس = للي يحبــك وأنت عزي وساسي
***
مهآآآآآآآجرة