بسم الله الرحمن الرحيم ماشاالله عليك اخوي ماجد دايم مواضيع ممتازة بس قبل كل شي بأرد على أخواني اللي سبقوني اللي قالوا ان المراة مرتاحة بوجود الشغالة >> حاقدة عليهم طيب أنا أقدر أرد وأقول بالعكس أنا أشوف أن الرجال هو اللي مرتاح لان المسؤلية اللي عليه صارت على السواق وصار السواق هو اللي يلبي طلبات البيت من مشاوير حتى المقاضي صار الحرمة تروح وتتقضى للبيت أدري بتقول مو كل البيوت فيها سواق برضو بقولك مو كل البيوت فيها شغالة طبعا بعد هالكلام مو تفهمون اني أقول ان الرجال مايعاني لكن هذا كان رد لأخواني لاأكثر ولا يزعلون ولاتصدقون اني حاقدة كانت مزحة يعني صافي يا لبن اللي أشوفه حتى لو كان البيت فيه سواق وفيه شغالة الرجال والحرمة يتعبون وعليهم مسؤوليات لو جينا نتكلم بصراحة وبعيد عن الحساسية التربية صارت بيدين الأم لان الأب دايم متواجد برا البيت هو بس يوجه والأم مع الطفل أربع وعشرين ساعة بكذا الطفل راح يكون تأثيره بامه أكثر صارت التربية بيدين الأم بدون مايحس الأبو اذا صحى الطفل بالليل وجلس يبكي الأبو يصحى معصب قومي خذي هالبزر وأطلعي أنتي وياه حتى لو كان فيه مليون شغالة الام اذا شافت طفلها يبكي ماراح تخليه من يغسل للطفل من ينظفه من يلعب معاه طول اليوم أنا ماتذمر والله العظيم من مسؤولية الأم لطفلها لكن هذا شي معروف أنه معاناه وحطوا في بالكم اني ماصرت أم ومع ذلك حاسة بأمي وبكل الامهات الله يحفظهم ويخليهم لنا ولا يحرمني من الامومة ان شاالله يارب حتى الرجال يتعب ومثل ماتكلمت عن المرأة بتكلم عن الرجال مثلا يجي الرجال تعبان من الشغل ويمكن يكون من خمس وهو صاحي لان دوامه بعيد لا يرجع الا الساعة أربع العصر يلقى ولده حرارته مرتفعة أو تعباااان حتى لو كان عنده مليون سواق هو اللي بيودي ولده ويمكن يجلس معاه طول اليوم ولا ينام ولا يرتاح ترى هذي أمثلة بسيطة لو بتكلم ماراح أسكت وكل واحد لو جلس مع نفسه بصدق راح يحس بالطرف الثاني مع اني أشوف أن الحرمة تتعب أكثر وبعد في شي بقوله أنت مثلا يا الرجال جاك يوم وتعبت على الآخر جيت من الدوام وجبت العيال من المدرسة وكل واحد مدرسته في جهة رجعت البيت لقيت المكيف خربان ورحت تصلحه بعدين رجعت رحت تودي أغراض وتجيب المايكرويف وبعديت رحت تتقضى وبعدين رحت تغسل سيارتك وبعدين وديت زوجتك السوق وطبعا كل هذي الاعمال للرجال وكلها للبيت جيت تعبان وتبي تسمع لو كلمة شكرا الله يعافيك لقيت حرمتك تقول والله هذا شغلك ولا تبيني أنا اللي أصلح المكيف وأجيب المايكرويف وأجيب العيال من المدرسة !!!!!!!!!!!!!!!!! أكدي بتعصب وتزعل مع ان هذا شغلك والمفروض على الزوجة أنها تشكره وتحسسه باللي سواه يعني ياليت الرجاجيل اللي الحرمة تقوم بشغل البيت من تنظيف وغسيل وطبخ ومسح مايجي الرجال ويقول لها والله هذا شغلك ولا تبيني أشتغل بدالك بعد على الأقل حس فيها وقولها يعطيك العافية بس عندي سؤال خيو ماجد ليش الرجال لو حصلت له الراحة مايرتاح يروح يدور اي شي يشغله لو يكون شغال أربع وعشرين ساعة؟؟؟ أنا ملاحظة أن الرجال جدوله مزحوم على الآخر الصباح دوام الظهر يجي يتغدى بعد صلاة العصر بعضهم يروح نادي رياضي وبعضهم يروح يداوم المغرب يروح يمر أهله يجلس معاهم أو يمكن يطلع له شغل يسويه العشا مع الشباب لحد الليل أو يمكن يطلع أم العيال يرجع ينام ماتلاحظ انه مشغل نفسه بنفسه حتى لــو خذ إجازة من الدوام راح سافر يعني سواء كان شغله من البيت أو برا البيت أو شاغل نفسه شاغل نفسه ماشاالله عيني عليكم باردة ماشاالله تراي عدتها : ) في النهاية كل الطرفين يعانون سواء كانت أمرأة أو رجال اللي أتمناه أن كل واحد يحس بالثاني والله يكون بعون الجميع