يابعد روحـي بـلا شـك وظنـون
قبـل لاتعـرف خفايـا السالـفـه
خلي الأفكـار فـي عقلـك تكـون
صـادق النيـه وخـل العاطـفـه
أعرفك مشهور بالصـدر الحنـون
والمشاعـر مرهـفـات عاصـفـه
قيّض الله فيـك مـن كـل الفنـون
إن جلستـي وإلاكنـتـي واقـفـه
تحفة في السير وإلا فـي السكـون
جـدّدي عهـدي وانـا مااخالـفـه
كم سهرت الليـل لأجلـك يافتـون
أقاسـي اللوعـات عينـي ذارفـه
أتلـوّى كـن فـي بطنـي طعـون
والعـرب بالحـال ماهـي عارفـه
يابعد عينـي تـرى حبـك جنـون
إنقسـم قلبـي معـك بالناصـفـه
وأنا وافي لـك وأحطـك بالعيـون
ليـه ياقلـب الشـقـاوي خايـفـه
مدّتي عانيـت مـن فقـدك غبـون
كلمـا أقـولـك تقـولـي آسـفـه
ياعديـل الـروح جعلـك ماتهـون
وانتي في عينـك بصيـره شايفـه
شوفي حالـي ياذهـب لاتبخلـون
شمسنـا مـن بعـد عـز كاسفـه
ضاريه نفسـي تحرّكهـا شجـون
بالهجـر والصـد ماهـي والـفـه
ضاريه بالعـز فـي دربـه تمـون
وفي طريق الشيـن عنهـا حالفـه
إرجعي لي في حمى الحب المصون
مايصيـد الذيـب غيـر الطارفـه
_________________
كعادتك دائماً،لاتكتب الا الجزل الرائع
اقتباس الأبيات بكاملها دليل روعتها بكاملها
صح لسانك،ولاتوفي
الطلحي
اسم عودنا على الابداع والروعه
لاعدمنا هالطله
تحياتي