} حياك ماجد الطيب منور كعادتك حلو فيك حماسك وعلى ان في الاندفاع تهور.. لكن، .. منك انت صاير مقبول والسبب، والله اعلم، .. ان قلبك ابيض .. واللي في قلبك على لسانك فما شاء الله .. تبارك الله وهذا انما يدل على طيبك .. وحسن معشرك ادام الله عليك هالصفة المتميزة اللي اكرمك وحباك الله فيها .. خاصة في هذا الزمان فهو - جل جلاله - حق له عليك .. حمده وشكره وانت - وامثالك - لك منا .. تشجيعك وثنائك وان كنت حاطلع عن موضعنا لكن بمناسبة فرصة التحاور بيني وبينك هنا .. فاحب اوصل لك معلومة على مستوى شخصي وهو، .. انه على الرغم من ما المسه في كتاباتك .. من ما يعكس تجارب ومشوار صعب في الحياة لكن، .. ان مع العسر يسر .. ان مع العسر يسر ففي الجانب الاخر .. الله عوضك باشيا يتمناها الجميع .. وهي لاتشترى بمال .. ولا تؤتى بسلطان وهي، .. البصيرة في الامور، .. وصدق القول، .. وحب الناس فبارك الله لك .. وفيك .. نرجع لمشكلة الرجل .. مع عفة المراة اقتباس المشاركة الأصلية كتبت بواسطة الملقووف ماااجد الزوج هنا حكم بالاعدام مع التعزير رغم عدم وجود تهمه او اثبات لتهمه معينه الزوج هنا توقع التهمه واتثبت توقعه وحكم بالاعدام وهذا فيه ظلم تدري ماجد؟ انا ما اخذت .. او قرات .. موقف العريس على انه تهمة .. وحكم .. واعدام للعروس مثل ما يكاد يكون كل الردود .. اخذت الموقف .. من نفس منظورك انما هو - العريس - ما تقبل ان يعرف ان استمتع بفطرة انوثت عروسه .. رجل قبله .. او رجل غيره وانا اقول فطرة انوثتها .. لان هي ماكانت اكثر من كونها على سجيتها ما كانت تستهدف او تقصد ان تمتع احد .. انما كانت على سجيتها .. انثى اقتباس المشاركة الأصلية كتبت بواسطة الملقووف ماااجد ولا اقصد ان الانترنت فيه وفيه لا مازال الشيبان والشباب ماسمحوا ولا لبنت المتزوجه والغير متزوجه بالدخول لعالم الانترنت تحيط وتحفظ منهم لبناته يثقووون فيهم والله وثقه قووويه بس يعرووفون ان البنت ضعيفه وقد تضعف في يوم من الايام لو وجدت شاب بمواصفات حلوووه وفكره حلووو وكلام حلووو ارسل لها فيوم وبالصدفه هي كانت تعبانه نفسيا من مشكله في المنزل مثلا اتوقع انها راح تضعف رغم عفافه .............. وبعدين شبابنا يعرفون ويخشون ويشفون وش في الانترنت وكم وحده راحت ضحيه من الانترنت فقط وهي كانت جدا كويسه ولا له باي السوالف وخربه الانترنت . تقووولوون مازالت عائلتنا متشدده ومتخلفه اقول لكم الباب اللي يجي منه ريح سده واستريح وباب النت ياكثر الريح اللي فيه تدري ان كلامك هذا .. هو اللي في الصميم ابونا .. وسيدنا ادم عليه السلام .. فتح عينه بالجنة وكلمه الله سبحانه وتعالى .. او اوحى اليه وابليس كذلك، .. كان في الجنة .. وكبر وترعرع بين الملائكة يعني على ما قالوا، .. كان في موقع "الحدث"، .. الحدث "الحدث" هل معرفتهم للحقيقة رؤويا العين؟ .. معرفتهم لما نعرفه نحن انما بالغيب هل منتعتهم من ارتكاب المعصية؟ لما احنا نقول .. سواء شاب او فتاة لا انا اعرف احافظ على نفسي .. انا اعرف حدودي .. انا اقدر اتحكم واسيطر على الوضع مااخليه يوصل للخطا البلاء .. الفتنة، .. وقت تقع .. هي واقعه من الله لامحالة، .. لغرض الاختبار .. والامتحان مثل قصة .. ابونا ادم وامنا حوا .. رضوان وسلام الله عليهم، .. مع ابليس والتفاحة وانها - القصة - كانت ابتلاء لهم جميعا .. واختبار .. وامتحان كذلك، .. يحضرني قصة الملكين ببابل .. هذول ملكين .. مو بشر ووقت افتوتنوا .. افتوتنوا .. هذا من جانب، .. ومن جانب اخر، .. هل تقدر تمنع شئ عن البنت؟ .. الجيران .. والحي .. والمدينة .. والبلد كلها .. تمارسه؟؟ .. دخول النت .. او استخدام الجوال هل حيتقبل مجتمع النساء هالشئ ؟؟ حتى لو كانت هي مقتنعة بمنعه عنها، .. تخيل الحرج اللي حتجد نفسها فيه وهي وسط قريناتها ولا تقدر تعزل نفسك عن المجتمع، .. والا اصحبت بمعزل عن الحياة .. وعن الوجود . . ادري تساؤولات كثير .. وموضوع معقد .. لكن ما ابغى اطيل .. .. لكن احب ان يتامل .. ويتفكر الجميع . . . . ماجد .. اشكرك، .. سعدت بيك .. ونورت بمشاركتك الله يحفظك ويوفقك