حليت مجمـوع أسئلةغيـر سـؤال
سـؤال حيـر كاتبيـن السـؤالـي
نـاس ٍ تظـن وظنهـا مالهـا فـال
فالي على الله ما على النـاس فالـي
صدفه وعدت ما سـلا دونهـا بـال
ما خذت بالـك يـوم مريـت بالـي
مدري على حالك وأنا رحت في حال
مدري وهم جابـك وجيتـك خيالـي
ماشفت حالي من بعد هجركم طـال
ولامربك هـم ٍ علـى مـا جرالـي
وهمي عشيق الـزود يـزود بميـال
يزود وحساسك مـع الغيـر مالـي
وهذا الكلام اللي على البال مـا زال
لا سأليـاً دونـي ولاعنـك سالـي
والوقت يشهد والعمر صار رحـال
ونرحل ويبقى وجـه رب الجلالـي
(والله مـا ياثـق بدنيـاه رجــال)
أقولهـا يـوم الزمـن مـا صفالـي
أنت السؤال اللي عن ألفيـن سـؤال
تضيـع فيـك إجابتـي ياسـؤالـي