اقتباس المشاركة الأصلية كتبت بواسطة حبيس المشاعر موضوع أروع من رائع صح لسانك هي الكلمه الدارجه بعد أنتهى كل قصيده وهي الكلمه اللتي أعتدنا على سماعها وبالنسبة لي أعتبرها كلمه تشجيعيه بالنسبه للموضوع عارفه إنه رائع لأني اللي طارحته أما بالنسبه لكلمة صح لسانك إنت قلت بنفسك إعتدنا على سماعها أي عند إلقائنا للقصيده بشكل مباشر للأشخاص اللي جالسين معنا / لكن لما نطرحها في منتدى والمتلقي لها يكون قاريها برايك كلمة صح لسانك تفي بالغرض ؟ البعض يقول هذي اللي تطري علي لما أنتهي من القصيده / طيب وين جو القصيده وين الإبداع فيها وين نقاط الضعف والأساسيات اللي كان لازم تكون موجوده حتى يكتمل جمالها وتقوى من خلال الوزن والقافيه والمضمون وتوصيل الفكره وسلاسة التنقل بين الأبيات وطريقة تسلسلها والكثير الكثير من النقاط اللي يجب أن يرتكز عليها الرد ؟؟؟ اقتباس المشاركة الأصلية كتبت بواسطة حبيس المشاعر حاولت أن أقول ذلك لبعض الاعضاء فكانت الردود علي قاسيه فوجدت نفسي مضطرآ لمسايرة الركب ومشيدآ ببعض مايكتب هنا مع أنني أرأ في تلك القصايد الشي العجاب من كسرٍ للوزن وأختلاف للبحر في القصيده الواحده أخوي حبيس / لما نرد على نص شعري فأنت تعبر عن رأيك واللي طارح هذا النص لازم يكون حاط في باله إنه عرضه للجميع لتلقي النقد الجارح والنقد البناء / ويجب عليه أن يتقبلها بسعة صدر هذا من ناحيته ــــ/ أما من ناحيتك فأنت تعطي رايك ولك مطلق الحريه في التعبير عنه سواءً في وزن القافيه وبحر القصيده وراح تكون تعديت نطاق الحريه بإنتقادك لشخص الشاعر أو تجريحه و نكون واضحين أكثر نص (الكاتب) لأن مو كل كاتب للشعر يسمى شاعر مثل ماتفضل البعض قبلي ـــ/ اقتباس المشاركة الأصلية كتبت بواسطة حبيس المشاعر وجدت في أحد المرات قصيده هنا لأحد أخواني الاعضاء وكانت بها الكثير من الكسور في الوزن وكان بحر الصدر يختلف أختلاف كليآ عن بحر العجز ورأيت أن هناك ردود كثيره تشيد بهذه القصيده وهي لاتسمى أصلآ قصيده بسبب تلك العيوب وصادف ان وجدت ذلك الاخ في الشات وتطرقت معه في موضوع قصيدته وقلت له أن بها كسور وأختلاف بحرها بعضه عن بعض فرد علي بأن قال ومن أنت حتى تنقدني أنا واثق من نفسي ومن شعري المسأله ياأخي ليست مسألة من أنت ومن أنا المسأله مسألة كسر واضح وضوح الشمس لكل ملم بالشعر هنا أنت أديت اللي عليك ويمكن هذا العضو خجل من إنتقادك القصيده أمام اللي كانوا حاضرين ولو أرسلت له بالخاص كان أفضل هذا من وجهة نظري وفي كلا الحالتين لو أخذها بروح رياضيه وحسبها في باله إنك تقدم له النصيحه لصالحه ماكان حصل سوء الخلاف ..؟! اقتباس المشاركة الأصلية كتبت بواسطة حبيس المشاعر خلاصة القول أتمنى من الاخوان تقبل وجهة النظر بصدرٍ رحب فالهدف هو الرقي والتعلم من بعضنا البعض وليسهدفنا الاساءه لأحد وهذا المطلوب /ومثل ماتتقبل النقد أتمنى ماتبخل بتوجيه النقد وما يأثر فيك الموقف اللي ذكرته وشاكره لك مرورك الكريم وتشريفك للموضوع