.
.
.
حظ عيني لو تشوفك كل يوم
حظها وانته لناظرها الضياء
نام فيها نام وانعس لاتقوم
بالسعادة يا تباشير الحياء
إنت ياللي لك أنا عمري أسوم
وارخص الغالي بلا زيف ورياء
والبقايا مالهم عندي لزوم
قلبي وقلبك حبايب أوفيا
غيبتك وجدان واحزان وهموم
تتعب أفكاري تسبب لي عياء
ودي بشوفتك مع طيب العلوم
عن عيوني لايبعدك النياء
صدق أنا مشتاق لكني كتوم
أجبر عزومي ويمنعني الحياء
منزلي فوق الكواكب والنجوم
وافي وسمعي على صوتك حياء
وش على عيني ولو شافتك دوم
دامك انت في نواظرها الضياء
.
.
.
.:. حظ عيني .:.
.
.
.
.
.
.
يســـود الصمـــت
.
.
.