السلام عليكم ورحمه الله
لن اتكلم عن مثاليات الاداره والشروط اللي يجب توافرها في المدير-- المديره
لكن من تسلسل المشكله يبدو ان مديرتك في وادي والاداره الصحيحه في وادي,,
طيب هذا قدرك وصارت هالمديره بحلقك ,, وقدام رزقك ,,, اولا ليس من الحكمه استعداء المدراء فان كسبت قضيه سوف تخسر قضايا قادمه ,,
طيب ايش اسوي مديره ودابله سبدي وما تفهم والسلطه بيدها ؟؟ وفوق هذا شياطينها كبار وتحب وتتلذذ بالانتقام والتشفي ,,
اول شي يجب تحديد المشكله والعمل علي المشكله هذي فقط لا تخلقي مشاكل اخري ابدا ابدا
وامسكي اعصابك ولا تغضبي فالغضب لن تجني من وراه الا الخساره والندم وزياده رصيد العدواه معها وهي طبعا مبسووطه بذلك وتقدمين لها اللي تبي من خلال غضبك ..
لا تتكلمي فيها قدام احد ابدا اذ بغيتي تتشكين منها لا تصارحي احد من اللي بالعمل ثقي انه راح يوصلها استبدالي هذا بمدح جوانبها المشرقه مااستطعتي ولا تعتقدي ان هذا نفاق اجتماعي بل ذكاء فطري منك ,,
اختاري وقت معين للدخول عليها ومناقشتها مناقشه هادئه .. وهي راح تفسر ذلك باشياء كثيره لاتهتمي ابدا من تفسيرها المهم في راسك هدف وهو انهاء هالمشكله والبدء بصفحه جديده ولا تعتبري هذا من باب الانهزاميه ووو تعوذي من الشيطان وابداء بكل جد واذ عملتي شي خارج مواصفات وظيفتك وثقيه بتقرير لها منمق حلو ومرتب واحتفظي بصوره عندك وفي البيت.
ثقي في نفسك وبقدراتك ... وعملي من اجل هدفك .. ومهما عملت المديره من اشياء ضدك .. المهمان لا تكوون عائق امام تطورك وابداعك,,
فكما يقال فىالعمل 50% جهدك ,,, و 40% تفعيل اتصالاتك,,,, و10% فقط للهواش والدافع عن فكرتك ووو .. لذلك انتي راح تركزين علي عشره وتنسين الباقي ولا تغضبين من العشره وتخرب الباقي..
تحكمي ببروده اعصابك وتذكري ان العمل ما هو الا محراب عباده من خلاله نقدم الخدمه لمن يستحقها وناخذ الاجر مقابل ذلك واحرصي ان لاتاخذي الا راتب حلال مررره,,,
عزيزيتي المشاكل في العمل كثيرره ولن تقف لكن الجيد من يتعامل معها وفق منظووور واحد وهو ان لاتؤثر علي مسيره ابداعه وفي الخير صدقيني بالله لن يصح الا الصحيح ,,
وبعدين احيانا توصل مراحل ونظلم( بضم النون) فيها طيب خلينا نظلم( بضم النون برضه ) مره ( اللهم امتنا مظلومين لا ظالمين )
وادعي لها بالهديه ,, ووسطي اهل الخير ,, واحسني النيه تجدي صفاء نيتك وسريرتك امامك فى الدنيا والاخره
سامحينا اطلنا الحديث
اخوك مهندس انساني