[%فزولها%]

:: صـمـت الأورآق ::


اكـذب عليك ان قلــت مـاني بمشتاق // واكـذب عليك ان قلت حبـك نسيته

خل الكلام اللي طعـن صمت الاوراق // يحكي لك اللـي مـا نطقــت وحكيته

ناظر عيوني شوف تأثير الاشواق // شـــوف الفـــرح وشلون بعدك جفيته

كتفـي يشيل مـن الزمن فوق ما طاق // والضيق يرضـــابي وانا مـــا رضيته

الي متى وانا انتظر لحظة اشراق..؟ // الي متـــى والحــــزن هالقلب بيته..؟

الي متى والهــم ينحت بالاعماق ..؟ // واسقيه مـــن فــرقــاك دمـــع ٍ بكيته

يا صاحبي شف خاطري ما بعد راق // بنفس الطريق اللي انتهى وابتديته

ضـــاق الزمــان وكل شي ٍ بعد ضاق // حتى القصيد اللي بصدري احتويته

عمر الشعر ما ضـيّـق صدور الاوراق // الضــيــق ضـيـقــي لا كتبت وقـــريته

تعبت اجــمـّـع ما بقالي من اشواق // واقول ليت الــوقــت يفهم ياليته

يا قـــو قلبك وانت محـــرقني احراق // ارفــــق بحـــال اللي ذكـــرك ونسيته

تدري عزاي ان حدك القلب تشتاق // دّور عــلــّي بكــــل درب ٍ مشــيــتـه

يمكن تلاقــي درب بدورب الفــــراق // يجـــوز ربـــي كـــاتبه واهتـديـتـه

ومدام ربي فــي يـده قـســم الارزاق // انا اقتنعت بما كــتــبــه ورضــيته

************************************************** ****************


ابداع بما تحمله الحروف في طياتها ..وشعر يفوق على التميز اخونا الكريم ولاعدمنا هذا الشعر الجميل ولاهنت ....

دمت بود.....فزووو