أما بنسبة إلى الشخص الذي أعرض عليه قصائدي مافيه شخص محدد لي
.................................................. ...........................................
أما القصيدة القريبة لي التي ندمت على كتابتها هي قصيده واحدة فقط
براكين بقلبي مالها دافع ولاكتمان = براكين الغرام اللي تفجر قبل أفجرها
تدور بداخل عروقي مثل دمي مع الشريان=وأناغصبٍ علي أقبل بها وأرضى بأوامرها
تدور وكل دورة تجلب الحسرة مع الحرمان=تدور وتشغل أفكاري ولادري كيف أفسرها
تجيك من العرب بوجيه خلانك وهم عدوان = وهي صعب عليك اوجيه خلانك تحررها
تضيع ولاتعرف اللي طعنك بتالي الازمان= مصيبة ماعرفت إلا نوايا من مصورها
سبع اسنين تقتلها حروف بكلمة النسيان= تعللي بكلمة ناقصة ماكنت ادورها
نسيته مادريت لسالفة عنوانها النكران= اللوم القلب في سود الليالي منت خابرها
اللوم القلب وأطلب من ولى العرش بالغفران=تعوضني عن اللي كنت عايش في محاورها
وجتني من تخبرني عن اللي مالهاحسبان =نطقها اللي مدبرها ياويل اللي مدبرها
تقوله من تقوله ساكنة حولى من الجيران= دخيلك تلطف بحالى وهلتلي عبايرها
أنا منهو تسبب فالبعاد ولوعة الهجران = وهذا مابقى عندي بقايامن ظفايرها
دخيل الله وبعد الله دخيلك ياولد حوران= عليك الله ومان الله لجيها ثم أخبرها
سألته عن سبب يمكن يقوله يلفت الاذهان=لقيت أعظم سبب غيرة يربي كيف أعبرها
تورث الملل والهم والحيرة مع الاحزان =قريب لقولةآل افلان ساكن في مقابرها
وأنا هالحين عايش في زمن فعلاً زمن حقران=عطوني حل باللي صار قبل الروح أدمرها